اے عاشقانِ رسول! قَناعت سُنّتِ مصطفےٰ ہے۔ قناعت کا معنی ہے: جتنا ملا اس پر راضِی رہنا، زیادہ کی خواہش نہ کرنا* ہمارے پیارے آقا، مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  جو ملتا راضِی خوشی تناول فرما لیا کرتے تھے * آپ  صَلَّی اللہُ عَلَیْہِ وَ آلِہٖ وَسَلَّم  نے کبھی بھی کھانے میں عیب نہیں نکالا * آپ  صَلَّی اللہُ عَلَیْہِ وَ آلِہٖ وَسَلَّم  نے کبھی لذیذ(Tasty) اور پُر تکلف کھانوں کی خواہش نہ فرمائی * رسولِ اَکْرَم، نورِ مُجَسَّم صؒیا رسولَ اللہ ِ  صَلَّی اللہُ عَلَیْہِ وَ آلِہٖ وَسَلَّم ! مال و دولت کی خواہش نہیں رکھتے تھے۔

کل جہاں مِلک اور جَو کی روٹی غذا            اس شکم کی قناعت پہ لاکھوں سلام^([1])

پیارے اسلامی بھائیو! سُنَّتِ مصطفےٰ پر عمل کیجیے، قناعت اختیار کیجیے *قناعت ایمان کا کمال، اسلام کا حُسْن ہے*قناعت کرنے والا خود کو دُنیا سے بچاتا، آخرت کی راہ پر چلاتا ہے*قناعت کرنے والا اللہ پاک کا محبوب ہے* قناعت کرنے والے سے لوگ بھی محبت کرتے ہیں ^([2]) * امام شافعی رحمۃُ اللہِ علیہ فرماتے ہیں:قناعت مالداری کی اَصْل ہے۔^([3])

مختلف سُنّتیں سیکھنے کے لیے مکتبۃ المدینہ کی بہارِ شریعت جلد:3 سے حِصَّہ 16اور شیخِ طریقت، امیرِ اہلسنّت مولانا الیاس قادری  دَامَتْ بَرَکَاتُہم الْعَالِیَہ  کا 91 صفحات کا رسالہ 550 سُنّتیں اور آداب خرید فرمائیے اور پڑھئے۔ سُنّتیں سیکھنے کا ایک ذریعہ دعوتِ اسلامی کے قافلوں میں عاشقانِ رسول کے ساتھ سُنّتوں بھرا سفر بھی ہے

سنتیں سیکھنے تین دِن کے لیے           ہر مہینے چلیں، قافلے میں چلو

 اللہ پاک ہمیں عمل کی توفیق عطا فرمائے۔اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم۔