ذیشان، مکی مَدَنی سُلطان  صَلَّی اللہُ عَلَیْہِ وَ آلِہٖ وَسَلَّم  جہنّم کا ذکر فرما رہے تھے، بیان کرتے کرتے آپ نے اس سے پناہ مانگی۔

اس دوران آپ  صَلَّی اللہُ عَلَیْہِ وَ آلِہٖ وَسَلَّم  نے چہرۂ مبارَک ایک طرف کو پھیر لیا۔ پِھر (ہماری طرف رُخ کیا اور) جہنّم سے پناہ مانگی!پِھر چہرہ مبارَک پھیر لیا، تیسری بار پھر جہنّم سے پناہ مانگی اور چہرہ مبارَک پھیر لیا۔

صحابی  رَضِیَ اللہُ عنہ  فرماتے ہیں: آپ  صَلَّی اللہُ عَلَیْہِ وَ آلِہٖ وَسَلَّم  (کا بار بار چہرہ مُقدّس پھیرنا اور چہرے کے تاثرات بتا رہے تھے کہ ) گویا جہنّم کو دیکھ رہے تھے (اِس لیے ناگواری سے چہرہ مبارَک پھیر رہے تھے)۔پھر آپ  صَلَّی اللہُ عَلَیْہِ وَ آلِہٖ وَسَلَّم نے فرمایا:اتَّقُوا النَّارَ یعنی اے لوگو! جہنّم سے ڈرو...!! ^([1])

تو ڈر اپنا عنایت کر، رہیں اِس ڈرسے آنکھیں تر

مٹا   خوفِ    جہاں      دل      سے،      مٹا         دنیا      کا     غم        مولیٰ^([2])

جو روئے گا جنت میں داخل ہوگا

حضرت جَریر بن عبدُاللہ  رَضِیَ اللہُ عنہ  سے روایت ہے،نبیوں کے سردار، مدینے کے تاجدار  صَلَّی اللہُ عَلَیْہِ وَ آلِہٖ وَسَلَّم  نے ہم سے فرمایا:میں تمہارے سامنے سُورۃُ التَّكَاثُرُ پڑھتا ہوں،  تم میں سے جو روئے گا، وہ جنّت میں داخِل ہو گا۔چُنانچِہ سرکارِ مدینہ  صَلَّی اللہُ عَلَیْہِ وَ آلِہٖ وَسَلَّم  نے سُورۃُ التَّكَاثُرُ  کی تلاوت فرمائی۔ہم میں سے کچھ تو روئے اور کچھ نہ روئے۔جو نہیں رَوْ سکے تھے اُنہوں نے عرض کی :یا رسولَ اللہ  صَلَّی اللہُ عَلَیْہِ وَ آلِہٖ وَسَلَّم ! ہم نے رونے کی کوشِش کی مگر نہ رَوْ سکے۔سرکارِ مدینہ  صَلَّی اللہُ عَلَیْہِ وَ آلِہٖ وَسَلَّم  نے فرمایا:میں دوبارہ پڑھتا ہوں