اَلحمدُ لِلّٰہ! اللہ پاک کو اپنے مَحْبوب  صَلَّی اللہ عَلَیْہِ وَ آلِہٖ وَ سَلَّم سے بہت محبّت ہے۔ اتنی ہے کہ کسی کو اتنی محبّت کسی سے نہیں ہو سکتی۔  ایک پنجابی شاعِر نے کہا:

کِیْ کِیْ نَہ کِیْتَا یَار نے اِکْ یار واسطے

رَبّ مَحفِلَاں سَجَائِیَاں نے سَرْکار واسطے

دِل یاد لَئْی بنایا اے تعریف لَئْی زُباں

اَکِّھیَاں بَنَائِیاں سَوْہنے دَے دِیْدار واسطے

وضاحت:اللہ پاک نے اپنے مَحْبوب  صلّی اللہ ُ عَلَیْہِ وَ آلِہٖ وَسَلَّم  شانوں کے اِظْہار کے لیے کیا کیا نہیں کیا؟ ربِّ کریم نے سرکار دوعالم  صلّی اللہ ُ عَلَیْہِ وَ آلِہٖ وَسَلَّم  کے لیے دوجہاں کی محفلیں سجائی ہیں، بندوں کا دل اپنے مَحْبوب کی یاد کے لیے بنایا ہے زبان آپ  صلّی اللہ ُ عَلَیْہِ وَ آلِہٖ وَسَلَّم   کی تعریف کے لیے  اور آنکھیں پیارے آقا  صلّی اللہ ُ عَلَیْہِ وَ آلِہٖ وَسَلَّم  کے وَالضُّحٰی والے پیارے چہرے کے دیدار کے لیے بنائیں ہیں۔    

  اللہ پاک ہمیں مَحْبوب  صَلَّی اللہ عَلَیْہِ وَ آلِہٖ وَ سَلَّم سے بے اِنتہا محبّت کرنے کی توفیق نصیب فرمائے،اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

آیتِ کریمہ کی 2باتیں

پیارے اسلامی بھائیو!  اللہ پاک نے فرمایا:

وَ لَقَدْ اَنْزَلْنَاۤ اِلَیْكَ اٰیٰتٍۭ بَیِّنٰتٍۚ-وَ مَا یَكْفُرُ بِهَاۤ اِلَّا الْفٰسِقُوْنَ(۹۹) (پارہ:1، سورۂ بقرۃ:99)

تَرْجمۂ کَنْزُالعِرْفان: اور بیشک ہم نے تمہاری طرف روشن آیتیں نازل کیں اور ان کا انکار