ہیں کہ یہ سیر نبیِّ کریم  صَلَّی اللّٰہُ عَلَیْہِ وَاٰلِہٖ وَسَلَّم  نے خود نہیں کی بلکہ اُس ہستی نے آپ کو یہ سیر کروائی جو ہر عیب ، کمی ، کوتاہی ، نقْص اور کمزوری سے پاک ہے ، جس نے چھ دنوں میں آسمان و زمین بنائے “ اِنَّ رَبَّكُمُ اللّٰهُ الَّذِیْ خَلَقَ السَّمٰوٰتِ وَ الْاَرْضَ فِیْ سِتَّةِ اَیَّامٍ “ (پ۸ ، الاعراف : ۵۴)۔ جو کسی چیز کو وُجود بخشنا  چاہے تو صرف اتنا فرماتا ہے : “ ہو جا تو وہ چیز ہوجاتی ہے “ اِنَّمَاۤ اَمْرُهٗۤ اِذَاۤ اَرَادَ شَیْــٴًـا اَنْ یَّقُوْلَ لَهٗ كُنْ فَیَكُوْنُ(۸۲) (پ۲۳ ، یٰسٓ : ۸۲) ۔ جس کا حکم پلک جھپکنے کی مقدار میں نافذ ہوجاتا ہے “ وَ مَاۤ اَمْرُنَاۤ اِلَّا وَاحِدَةٌ كَلَمْحٍۭ بِالْبَصَرِ(۵۰) “ (پ۲۷ ، القمر : ۵۰)۔ سورج چاند جس کے حکم کے پابند ہیں “ مُسَخَّرٰتٌۢ بِاَمْرِهٖؕ- “ (پ۱۴ ، النحل : ۱۲)۔ جس نے آسمان کو نظر آنے والے سُتونوں کے بغیر بلند کردیا “ رَفَعَ السَّمٰوٰتِ بِغَیْرِ عَمَدٍ تَرَوْنَهَا “ (پ۱۳ ، الرعد : ۲)۔ جس نے اربوں کہکشاؤں اور کھربوں ستاروں کے جہان آباد کردئیے اور اِن سے آسمان کی وُسعتیں سجادیں “ وَ لَقَدْ زَیَّنَّا السَّمَآءَ الدُّنْیَا بِمَصَابِیْحَ “ (پ29 ، الملک : 5) ۔ مومن کی نگاہ تو معجزہِ معراج کو اِس انداز میں دیکھتی ہے اور “ یُؤْمِنُوْنَ بِالْغَیْبِ “ (پ۱ ، البقرۃ : ۳) پر عمل کرکے ہدایت و فلاح سے سرفراز ہوتی ہے۔

درحقیقت قدرتِ الٰہی ہی کی ایک صورت اِس معجزے کی بنیاد ہے جسے اِصطلاح میں “ طَیِّ زمان “ (وقت سمٹ جانا) اور “ طَیِّ مکان “ (فاصلے سِمٹ جانا) کہا جاتا ہے ، اور یہ دونوں چیزیں نقل و عقل سے ثابت ہیں۔ “ طَیِّ زمان “ یہ ہے کہ سینکڑوں یا ہزاروں یا اس سے زائد سالوں کا زمانہ چند لمحات میں گزرجائے ، اور “ طَیِّ مکان “ یہ ہے کہ ہزاروں ، لاکھوں برس کی مَسافَت چند لمحوں میں طے ہوجائے۔ زمان و مکان کی وُسعتیں محدود وقت و