اتي جي نعمتن کان لطف اندوز ٿيندي آرام ۽ چين سان هوندا ۽

یَتَسَآءَلُوْنَۙ(۴۰) عَنِ الْمُجْرِمِیْنَۙ(۴۱) (پاره29،سورۃالمدثر:40-41)                                           

ترجمو ڪنز الايمان: باغن ۾ پڇندا مجرمن کان

يعني اَهلِ جنّت جنت ۾ رهندي جهنمين کان سُوال پڇندا۔ حضرت عبدالله ابن مسعود رَضِي الله عَنْه فرمائن ٿا: روزِ قيامت اسان جا آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ ۽ ٻيا نبي سڳورا عَلَيهمُ السَّلَام، حضرت جبريل عَلَيه السَّلَام ۽ ٻيا ملائڪ، انهن کان پوءِ صديقَ ۽ شهيدَ، اهي سڀئي گنهگار مسلمانن جي شفاعت ڪندا، ايستائين جو سڀئي اَهلِ جنّت (يعني گنهگار مسلمان جن کي آخرڪار جنت ئي ۾ اچڻو هو) جنت ۾ ۽ سڀئي جهنمي (يعني ڪافِر جن کي هميشه جهنم ئي ۾ رهڻو آهي)، اهي جهنّم ۾ رِهجي ويندا،  هاڻي اَهلِ جنّت جنّت ۾ رهندي جهنمين کان  پڇندا:

مَا سَلَكَكُمْ فِیْ سَقَرَ(۴۲) (پاره29،سورۃالمدثر:42)                       

ترجمو ڪنز الايمان: توهان کي دوزخ ۾ ڪهڙي ڳالھ وٺي وئي

جنَّتي ماڻهن جي هن سُوال جي جواب ۾ جهنّم ۾ موجود ڪافِر جهنّم ئي ۾ رهندي جواب ڏيندي پنهنجا 4 جُرم ٻڌائيندا، انهن جا اهي 4 جُرم ٻڌڻ کان پهريان هڪ مدني گل پنهنجي ذِهن ۾ ويهاريو! عالم سڳورا فرمائن ٿا: ”يقين“ جا 3 درجا آهن: هڪ: عِلْمُ الْیَقِیْن۔ ٻيو: عَیْنُ الْیَقِیْن ۽ ٽيون: حَقُّ الْیَقِیْن۔ جڏهن اسان کي ڪنهن شيء جي باري 100 فيصد يقيني عِلم هجي ته ان کي عِلْمُ الْیَقِیْن چئبو آهي۔ جڏهن اسان ڪنهن شيء کي پنهنجي اکين سان ڏسي وٺندا آهيون ته ان کي عَیْنُ الْیَقِیْن چيو ويندو آهي ۽ جڏهن اسان ان شيء جي تجربي مان گذري ويندا آهيون ته ان کي حَقُّ الْیَقِیْن چيو ويندو آهي، مفتي احمد يار خان نعيمي رَحْمَةُ اللهِ عَلَيۡه هنن ٽنهي جو تمام پيارو مثال ڏنو آهي، پاڻ فرمائن ٿا: مدينه منوره دُنيا ۾ موجود آهي، اسان اهو ڄاڻون ٿا، اهو آهي: عِلْمُ الْیَقِیْن۔ جيڪڏهن