لئے مدینۂ پاک کے بھی 100 سے زیادہ نام ہیں۔

نبیوں میں جیسے افضل و اعلیٰ ہیں مصطفےٰ        شہروں میں بادشاہ ہے مدینہ حضور کا

صَلُّوْا عَلَی الْحَبیب!                                                                  صَلَّی اللّٰہُ عَلٰی مُحَمَّد

قرآنِ کریم میں ذِکْر کئے گئے اَسْمائے مدینہ

(1-3) : مدینہ ، مُدْخَلُ صِدْق ، اَرْضُ اللہ

 اے عاشقانِ رسول ! اے عاشقانِ مدینہ! مدینہ مُنَوَّرہ کے ان 100 سے زائِد ناموں میں کئی نام وہ ہیں جو اللہ پاک نے قرآنِ کریم میں ذِکْر فرمائے بلکہ مدینۂ پاک کا معروف نام یعنی “ مَدِیْنَہ “ بھی قرآنِ کریم میں 4 بار آیا ہے۔

اس كے عِلاوہ پارہ 15 ، سورۂ بنی اسرائیل ، آیت : 80 میں مدینۂ پاک کے لئے لفظ “ مُدْخَلُ صِدْقٍ “ استعمال کیا گیا ، یعنی داخِل ہونے کی اچھی اور سچی جگہ۔

اسی طرح پارہ : 5 ، سورۂ نِسَآء ، آیت : 97 میں فرشتوں کی زبانی ارشاد ہوا :

اَلَمْ تَكُنْ اَرْضُ اللّٰهِ وَاسِعَةً فَتُهَاجِرُوْا فِیْهَاؕ-   (پارہ5 ، سورۃالنساء : 97)           

ترجمہ کنزُ العِرفان : کیا اللہ کی زمین کشادہ نہ تھی کہ تم اس میں ہجرت کر جاتے۔

عُلَماء فرماتے ہیں : اس آیت میں “ اَرْضُ اللہ “ سے مراد مدینۂ پاک ہے۔ ^([1])

(4-5) : دارُ الہجرت ، دارُ الْاِیْمان

پارہ : 28 ، سورۂ حَشر ، آیت : 9 میں مدینۂ پاک کے 2 نام ذِکْر کئے گئے :

(1) : دارُ الْہِجْرَۃ ،                                                 اور (2) : دارُ الْاِیْمان۔