Book Name:Rahmat e Ilahi Ka Mushtaaq Banany Waly Amaal
’’کریم جب کسی پر قُدرت پاتا ہے تو معاف کر دیتا ہے ، جب حساب لیتا ہے تو درگزر فرماتا ہے۔ ‘‘ آپ صلَّی اللہُ عَلَیہِ واٰلہٖ وَسَلَّمَ نے ارشاد فرمایا : ’’اعرابی نے سچ کہا ، جان لو!اللہپاک سے بڑا کریم کوئی نہیں ، وہ سب کریموں سے بڑھ کر کریم ہے۔ ‘‘(حکایتیں اور نصیحتیں ، ص۶۳۷)
پھر اس اعرابی نے عربی میں چند اشعار کہے ، جن کا مفہوم کچھ یوں ہے :
(۱)…کریم کاحق جب کسی شخص کے نزدیک متعین ہو جائے تو وہ اپنی عزت کی وجہ سے اُسے معاف فرما دیتا ہے۔
(۲)…وہ نافرمان سے در گزر کر کے اس کے گناہ بخش دیتا ہے حالانکہ اس کاگناہ گار اور مجرم ہونا ثابت ہوتا ہے۔
صَلُّوْا عَلَی الْحَبِیْب! صَلَّی اللہُ عَلٰی مُحَمّد
پیارے پیارے اسلامی بھائیو!ہمیں بھی اپنے پالنے والے ، ہردم رحمتیں نازل فرمانے والے ، مصیبتوں سے بچانے والے اور ہماری بخشش ومغفرت کرنے والے ربّ سےہمیشہ خیر کی اُمید اوراچھا گمان رکھناچاہیے ،
یادرہے کہ ! اللہ تعالیٰ سے اچھاگمان(حُسنِ ظن)رکھنا واجب ہے۔ اس کی رحمت سے ہرگز مایوس نہیں ہونا چاہیے ، وہ قدرت والا جسے چاہے جیسے چاہے نواز دے ، وہ چاہے تو کسی ایک گُناہ پر ہماری پکڑ فرما لے اور چاہے تو ایک نیکی پرہی اپنے فضل و کرم سےبخشش ومغفرت فرمادے۔ اللہ پاک گناہ گاروں کی ڈھارس بندھانے کیلئےاُنہیں بخشش کی نوید(یعنی خوشخبری) سُناتے ہوئےپارہ 24سُوْرَۃُ الزُّمُر کی آیت نمبر53 میں