کے دینی کاموں میں بڑھ چڑھ کر حِصَّہ لینے والے بَن جائیں۔  

غوثِ پاک رَحمۃُ اللہِ عَلَیْہ کا مبارک فرمان

آئیے! پیرانِ پیر ، پیر دستگیر ، حُضُور غوثِ اعظم شیخ عبد القادرجیلانی رَحْمَۃُ اللہِ عَلَیْہِ کا ایک مبارک فرمان مختصر وضاحت کے ساتھ سنتے ہیں۔ حُضُور غوثِ اعظم رَحْمَۃُ اللہِ عَلَیْہِ فرماتے ہیں : لوگوں کی چار قسمیں ہیں :

* : پہلا وہ شخص کہ لَا لِسَانَ لَہٗ وَ لَا قَلْبَ جس کے پاس نہ زبان ہے نہ دِل ہے (یعنی وہ شخص جو نہ اپنی اِصْلاح کرتا ہے ، نہ دوسروں کی ، نہ اس کے دِل میں نیکی کا خیال ہے ، نہ زبان پر نیکی کی دعوت۔ غوثِ پاک رَحْمَۃُ اللہِ عَلَیْہِ فرماتے ہیں : ) بارگاہِ اِلٰہی میں اس کی کوئی قَدْر وقیمت نہیں ہے ، لہٰذا اَیسا کبھی مت بننا کہ اس پر اللہ پاک کا عذاب اُترتا ہے ، ہاں! اللہ پاک اسے اپنی رحمت سے ہدایت عطا فرمائے تو یہ نیک بن جاتا ہے * : دوسرا وہ شخص کہ  لَہٗ لِسَان بِلَا قَلْبٍ جس کے پاس زبان ہے ، دِل نہیں ہے (یعنی وہ شخص جو دوسروں کو تو نیکی کی دعوت دیتا ہے ، خود عمل نہیں کرتا ، غوثِ پاک رَحْمَۃُ اللہِ عَلَیْہِ فرماتے ہیں : ) ایسے شخص سے دُور رَہو کہ کہیں اس کے گُنَاہوں کی آگ تمہیں بھی اپنی لپیٹ میں نہ لے لے * : تیسرا وہ شخص کہ لَہٗ قَلْبٌ بِلَا لِسَانٍ جس کے پاس دِل ہے مگر زبان نہیں ہے۔ یہ وہ مؤمن ہے جس پر اللہ پاک نے اس کے اپنے عیب ظاہِر کر دئیے ہیں ، یہ بس تنہائی میں رِہ کر اپنی اِصْلاح میں مَصْرُوف رہتا ہے ، اللہ پاک نے اس کا دِل روشن کر دیا ہوتا ہے اور یہ لوگوں سے چُھپا رہتا ہے ، اگر ایسا کوئی ملے تو اس کی صحبت اختیار کرو ، اس کی خدمت کرو ، اس کی برکت سے اللہ پاک تمہیں بھی نیک لوگوں میں شامِل فرما لے گا * : حُضُور غوثِ پاک رَحْمَۃُ اللہِ عَلَیْہِ فرماتے ہیں : چوتھا وہ