کی تشریف آوری کاذکرفرمایا ، آپ  صَلَّی اللہُ عَلَیْہِ وَاٰلِہٖ وَسَلَّم  کےکمالات کو بیان فرمایا اور خُودسرکار  صَلَّی اللہُ عَلَیْہِ وَاٰلِہٖ وَسَلَّم  نےبھی اپنی وِلادتِ مُبارَکہ کےتذکرے کیے ، اسی طرح صحابَۂ کرام عَلَيهِمُ الّرِضْوَان بھی  اپنی اپنی محفلوں میں حُضُورِ اکرم ، شہنشاہِ اُمم ، محبوبِ ربِّ اکرم ، کرم ہی کرم  صَلَّی اللہُ عَلَیْہِ وَاٰلِہٖ وَسَلَّم   کی ولادت کے خُوب خُوب چرچے کرتے۔ چُنانچہ

حضرتِ ابُوسعید رَضِیَ اللّٰہُ  عَنْہُ سےروایت ہےکہ حضرتِ مُعاوِیہ رَضِیَ اللّٰہُ عَنْہُ نے فرمایا : ایک مرتبہ سرکارِ والا تبار ، شہنشاہِ ابرار  صَلَّی اللہُ عَلَیْہِ وَاٰلِہٖ وَسَلَّم  صحابَۂ کرام عَلَيهِمُ الّرِضْوَان  کے ایک حلقےکے پاس سے تشریف لائے اورپُوچھا : تمہیں یہاں کس چیز نےبٹھایاہے؟صحابَۂ کرام عَلَيهِمُ الّرِضْوَان نے عرض کی ہم اللہ  پاک کاذِکر کرنے بیٹھے ہیں ، اس کا شکر اداکررہے ہیں کہ اس نے ہمیں اسلام کی ہدایت سے نوازا اورآپ  صَلَّی اللہُ عَلَیْہِ وَاٰلِہٖ وَسَلَّم  کے ذریعے ہم پر بڑا احسان فرمایا ، توآپ  صَلَّی اللہُ عَلَیْہِ وَاٰلِہٖ وَسَلَّم  نے ارشاد فرمایا : اللہ  پاک کی قسم! کیا تمہیں صرف اسی چیز نے یہاں بٹھایا ہوا ہے ؟عرض کی : اللہ  پاک کی قسم! ہم کو اس کے سِوا کسی اور چیز نے نہیں بٹھایا ، توآپصَلَّی اللّٰہُ عَلَیْہِ واٰلِہٖ وَسَلَّمَ نے فرمایا : میرے پاس جبرائیلعَلَیْہِ السَّلامآئےاوراُنہوں نے مجھے بتایا کہ اللہ پاک تمہاری وجہ سےفرشتوں پر فخر فرما رہاہے۔ ^([1])

بیان کردہ حدیث شریف کے بعدمُفسّرِ قرآن ، مُفتی احمد یارخان رَحْمَۃُ اللّٰہ ِ عَلَیْہ فرماتے ہیں : معلوم ہوا کہ اسلام اور حضورِانور  صَلَّی اللہُ عَلَیْہِ وَاٰلِہٖ وَسَلَّم  کی تشریف آوری کے شکریہ کے لیے مجلسیں کرنا ، حلقے بنا کر بیٹھنا سُنَّتِ صحابہ ہے ، یہ حدیث مجلسِ میلاد شریف کی اصل