صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

   پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت، شہنشاہِ نبوت صَلّی اللہُ عَلَیْہ وآلِہ وسَلَّمنےفرمایا: مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجَنَّةِ جس  نے میری سُنّت سے محبت کی اس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔^([1])

2 اَنگوٹھی پہننے کی سُنّتیں اور آداب

پیارے اسلامی بھائیو!آئیے!شَیْخِ طَرِیْقت،اَمِیْرِاَہلسُنَّت دَامَتْ بَـرَکاتُہُمُ الْعَالِیَہ کے رِسالے ’’163 مَدَنی پُھول‘‘سے انگوٹھی  کی چند سُنّتیں اور آداب سنتے ہیں۔*مرد کو سونے کی اَنگوٹھی پہننا حرام ہے۔ اللہ پاک کی رحمت بن کر دنیا میں تشریف لانے والے نبی صَلَّی اللہُ عَلَیْہِ وَاٰلِہٖ وَسَلَّمَ نے سونے کی اَنگوٹھی پہننے سے مَنع فرمایا۔ (بخاری،۴ /۶۷ ، حدیث: ۶۳ ۸ ۵) * (نابالِغ)لڑکے کو سونے چاندی کا زَیور پہنانا حرام ہے اور جس نے پہنایا وہ گنہگار ہو گا ۔(بہارِ شریعت،۳/۴۲۸،دُرِّمُختارو رَدُّالْمُحتار، ۹/۵۹۸) * لوہے کی اَنگوٹھی جَہنَّمیوں کا زیور ہے۔ (ترمذی، ۳/ ۳۰۵،حدیث:۱۷۹۲)

( اعلان )

انگوٹھی پہننے کی بقیہ سنتیں اور آداب تربیتی حلقوں میں بیان کیے جائیں گے لہٰذا ان کو  جاننے کیلئے تربیتی حلقوں میں ضرور  شرکت  کیجئے ۔