سے شرما کر بُرائیاں نہیں کرتے مگر جنہیں نیک نامی و بدنامی کی پرواہ نہیں ہوتی ایسے بے حیا لوگ ہر گناہ کر گزرتے، اَخلاقیات کی حُدُود توڑ کر بداَخلاقی کے میدان میں اُتر آتے اور انسانيت سے گِرے ہوئے کام کرنےمیں بھی شرم  محسوس نہیں کرتے۔

اے عاشقانِ رسول!  حیا کا ذِہن بنانے کے لئے شیخِ طریقت ، امیرِ اہلسنت کا بہترین رِسالہ باحیا نوجوانمکتبۃ المدینہ  سے حاصل کرکے پڑھئے! اور دوسروں کو بھی پڑھنے کی  ترغیب دلائی  اِنْ شَآءَ اللہُ الْکَرِیْم!  حیا کا دَور دَورَہ ہوگا۔ اللہ پاک عمل کی توفیق عطا فرمائے ۔

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

چوتھی  خصوصیت: دُعائے مصطفےٰ کے حریص

 حضرت عثمانِ غنی   رضی اللہُ عنہ   کی خصوصیات میں سے ایک بہت پیاری خصوصیت یہ ہے کہ پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  کثرت سے آپ کے لئے دُعائیں فرماتے تھے۔ آئیے! اس بارے میں چند روایتیں سنتے ہیں:

کسی کے لئے ایسی دُعا کرتے نہیں دیکھا

غزوۂ تبوک کا موقع تھا، پیارے آقا ،مکی مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  کے ساتھ صحابۂ کرام  عَلَیْہِمُ الرِّضْوَان  کا لشکر سَفَر پر تھا، راستے میں ایک مقام پر بہت مشکل درپیش آئی، کھانے پینے کی اشیاختم ہو گئیں، شدید گرمی تھی،   بھوک اور پیاس کی شِدَّت ہوئی، اس حالت میں صحابۂ کرام  عَلَیْہِمُ الرِّضْوَان   کے چہروں پر اَفْسُردَگی کے آثار دکھائی دینے لگے، جبکہ منافقین اس حالت کو دیکھ کر خوش ہو رہے تھے۔

 پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  نے جب یہ صورتِ حال دیکھی تو غَیب کی