آئیں، یعنی حضور  صَلَّی اللہُ عَلَیْہِ وَ آلِہٖ وَسَلَّم  کی یہ 2 شہزادیاں نور ہیں اور حضرت عثمانِ غنی   رضی اللہُ عنہ    کے نکاح میں آئیں، اس لئے آپ 2 نور والے ہوگئے، معلوم ہوا! پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  کی شہزادیوں کو نور ماننا نہ صِرْف صحابۂ کرام  عَلَیْہِمُ الرِّضْوَان   کا عقیدہ ہے بلکہ فرشتے بھی حضرت عثمان  رضی اللہُ عنہ   کو ذُوْالنُّوْرَین ہی کہتے ہیں، گویا فرشتوں  کا بھی یہی عقیدہ ہے کہ سرورِ عالم، نورِ  مُجَسَّم  صَلَّی اللہُ عَلَیْہِ وَ آلِہٖ وَسَلَّم  خود تو نور ہیں ہی، آپ  صَلَّی اللہُ عَلَیْہِ وَ آلِہٖ وَسَلَّم  کی اولاد بھی نور ہے۔

پیارے اسلامی بھائیو!  حضرت عثمانِ غنی  رضی اللہُ عنہ   کو ذُوْالنُّوْرَین کہنے کی بعض دیگر وُجوہات بھی عُلمائے کرام نے بیان فرمائی ہیں:  

ذُوْ النُّورَیْن لقب کی دوسری وجہ

(2): علماء فرماتے ہیں:حضرت عثمانِ غنی   رضی اللہُ عنہ    کی یہ شان ہےکہ روزِ قیامت جب آپ   رضی اللہُ عنہ  جنّت میں داخل ہوں گے تو آپ کے استقبال میں جنّت میں 2نور جگمگائیں گے۔ اس لئے آپ کو ذُوْالنُّوْرَین کہا جاتا ہے ۔^([1])

ذُو النُّورَین لقب کی تیسری وجہ

(3): امام ابو حُسَیْن قَزوِیْنی  رَحمۃُ اللہِ عَلَیْہ  فرماتے ہیں: حضرت عثمانِ غنی   رضی اللہُ عنہ    کی یہ عادتِ کریمہ تھی کہ آپ وِتْر کی نماز میں پورا قرآنِ کریم پڑھا کرتے تھے۔ چونکہ قرآن بھی نور ہے اور رات کا قیام (یعنی رات کو نماز پڑھنا) بھی نور ہے، حضرت عثمانِ غنی   رضی اللہُ عنہ