سچي جي آمد …مرحبا، سهڻي جي آمد …مرحبا، دلبر جي آمد …مرحبا… مرحبا،
 مُختار جي آمد …مرحبا، پُرنور جي آمد …مرحبا، سراپا نور جي آمد …مرحبا

مرحبا يا مصطفي مرحبا يا مصطفي       مرحبا يا مصطفي       مرحبا يا مصطفي

صَلُّوْا عَلَي الْحَبِيب!                                                                                      صَلَّي اللّٰه تَعَالٰي عَلٰي مُحَمَّد

مٺا مٺا اسلامي ڀائرو! قرآنِ پاڪ جون ٻيون به ڪيئي اهڙيون مبارڪ آيتون آهن جن ۾ نبي اڪرم، رسولِ محتشم صَلَّى اللهُ تَعَالٰى عَلَيْهِ وَاٰلِهٖ وَسَلَّم کي نُور چئي خطاب فرمايو ويو آهي، اچو! محبتِ رسول ۾ وڌيڪ اضافي جي نيت سان اهڙيون ڪجھ ٻيون آيتون به ٻڌون ٿا:

جيئن، سيپاري 18 سوره نور آيت نمبر 35 ۾ ارشاد آهي:

اَللّٰهُ نُوْرُ السَّمٰوٰتِ وَ الْاَرْضِؕ-مَثَلُ نُوْرِهٖ كَمِشْكٰوةٍ فِیْهَا مِصْبَاحٌؕ- (پ۱۸،النور:۳۵)

تَرجمو ڪنزالايمان: آسمان ۽ زمين جو ان جي نور جو مثال ايئن آهي جيئن هڪ طاقچو جنهن ۾ ڏيئو آهي.

تفسيرِ ڪبير ۾ امام رازي رَحْمَةُ اللهِ تَعَالٰی عَلَيْه فرمائن ٿا: هن آيت ۾ مَثَلُ نُوۡرِه مان مراد حُضورصَلَّى اللهُ تَعَالٰى عَلَيْهِ وَاٰلِهٖ وَسَلَّم آهن. (تفسيرڪبير،۸/۳۴)

      اهڙي طرح سيپاري 30 سورهٔ فجر آيت نمبر 1 ۽ 2 ۾ ارشاد آهي:

وَ الْفَجْرِۙ(۱) وَ لَیَالٍ عَشْرٍۙ(۲) (پ۳۰،الفجر:۱،۲)

ترجَمَو ڪنزالايمان: ان صبح جو قسم ۽ ڏهن راتين جو

هن آيت سڳوري جي تفسير ۾ آهي ته وَالْفَجْرِ مان مراد نبي ڪريم، صاحبِ خُلقِ عظيم صَلَّى اللهُ تَعَالٰى عَلَيْهِ وَاٰلِهٖ وَسَلَّم آهن، ان ڪري جو نبي ڪريم، محبوبِ ربِّ عظيم صَلَّى اللهُ تَعَالٰى عَلَيْهِ وَاٰلِهٖ وَسَلَّم ايمان جا مطلع آهن، يعني ايمان جو سوجھرو سڄي دنيا ۾ پاڻ ڪريم عَلَيه السَّلَام سان ظاهر ٿيو.  (شفاءشريف،۱/۳۴ )