Book Name:Nasli Tassub Kay Nuqsanat
اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن
اَمَّا بَعْدُ! فَاَعُوْذُ بِ اللہ مِنَ الشَّیْطٰنِ الرَّجِیْمِ بِسْمِ اللہ الرَّحْمٰنِ الرَّحِیْمِ
اَلصَّلٰوۃُ وَالسَّلَامُ عَلَیْکَ یَارَسُوْلَ اللہ وَعَلٰی آلِکَ وَاَصْحٰبِکَ یَاحَبِیْبَ اللہ
اَلصَّلٰوۃُ وَالسَّلَامُ عَلَیْکَ یَانَبِیَّ اللہ وَعَلٰی آلِکَ وَاَصْحٰبِکَ یَانُوْرَ اللہ
نَوَیْتُ سُنَّتَ الْاِعْتِکَاف (ترجمہ: میں نے سُنَّت اعتکاف کی نِیَّت کی)
فرمانِ آخری نبی، رسولِ ہاشمی صلی اللہ عَلَیْہِ وَ آلِہٖ وَسَلَّم ہے: بے شک اللہ پاک نے ایک فرشتہ میری قبر پر مُقَرّر فرمایا ہے، جسے تمام مخلوق کی آوازیں سننے کی طاقت دی ہے، جو کوئی مجھ پر دُرودِ پاک پڑھتا ہے تو وہ مجھے اُس کا اور اُس کے باپ کا نام پیش کرتا ہے، کہتا ہے: فُلاں بن فُلاں نے آپ پر اِس وقت دُرُود پاک پڑھا ہے۔([1])
سُبْحٰنَ اللہ ! دُرُود شریف پڑھنے والا کس قدر خوش بخت ہے کہ جس کا نام مع وَلدِیّت بارگاہِ رِسالت صلی اللہ عَلَیْہِ وَ آلِہٖ وَسَلَّم میں پیش کیا جاتا ہے، یہاں پر ایک بہت پیاری اور انتہائی ایمان اَفْروز بات سماعت فرمائیں کہ قبرِ اَنور پر حاضِر فرشتے کو اِس قدر سننے کی طاقت عطا کی گئی ہے کہ دنیا جہاں میں لاکھوں عاشقانِ حبیبِ خُدا صلی اللہ عَلَیْہِ وَ آلِہٖ وَسَلَّم ایک ہی وقت میں دُرُودشریف پڑھتے ہیں، یہ ان سب کی دھیمی آواز بھی سن لیتا ہے اور نام بھی جانتا ہے۔ جب خادِمِ دربار کی سننے کی طاقت کا یہ حال ہے تو مکّے مدینے کے تاجدار، مالک و مختار آقا صلی اللہ عَلَیْہِ وَ آلِہٖ وَسَلَّم کی طاقتوں اور اختیارات کی کیا شان ہوگی؟ وہ کیوں نہ اپنے