په دې آيت كښې صرف د لمُونځونو په وخت كښې د شراب څښلو نه منع اوكړے شوه، خوږ آقا صَلَّى اللهُ عَلَيْهِ وَاٰلِهٖ وَسَلَّم حضرت عُمَر رَضِیَ الله عَنْهُ را اوبللو، او دا آيتِ كريمه ئې ورته واورلو، نو حضرت عُمَر رَضِیَ الله عَنْهُ بيا دُعا اوكړه: اِلٰهي! نور واضحه حكم راعطا كړې، نو بیا دا آيتِ كريمه نازِل شو:

یَسْــٴَـلُوْنَكَ عَنِ الْخَمْرِ وَ الْمَیْسِرِؕ-قُلْ فِیْهِمَاۤ اِثْمٌ كَبِیْرٌ وَّ مَنَافِعُ لِلنَّاسِ٘-وَ اِثْمُهُمَاۤ اَكْبَرُ مِنْ نَّفْعِهِمَاؕ-   

(پارہ2،سورۃالبقرۃ:219)

مفهوم ترجمہ کنزُ العِرفان: ستاسو نه د شرابو او جوارئ په باره كښې سوال كوي. تاسو اوفرمائې: په دې دواړو كښې  لویه ګناه ده او د خلقو د پاره پکښې څه دُنياوي ګټې هم دي او د دې [دواړو] ګناه د دې د ګټې نه زياته لويه  ده.

     په دې آيت كښې د شرابو بدوالے بيان شو خو مكمل طور باندې ئې حرام نه كړل، خوږ نبـي صَلَّى اللهُ عَلَيْهِ وَاٰلِهٖ وَسَلَّم حضرت عُمَر رَضِیَ الله عَنْهُ را اوبللو او دا آيت ئې ورته واورلو، حضرت عُمَر رَضِیَ الله عَنْهُ بيا دُعا اوكړه: اِلٰهي نور واضحه حكم راعطا كړې، نو بيا دا آيتِ كريمه نازل شو:

یٰۤاَیُّهَا الَّذِیْنَ اٰمَنُوْۤا اِنَّمَا الْخَمْرُ وَ الْمَیْسِرُ وَ الْاَنْصَابُ وَ الْاَزْلَامُ رِجْسٌ مِّنْ عَمَلِ الشَّیْطٰنِ فَاجْتَنِبُوْهُ لَعَلَّكُمْ تُفْلِحُوْنَ(۹۰)   

(پارہ7،سورۃالمائدۃ:90)

مفهوم ترجمہ کنزُ العِرفان: اے ايمان والؤ! شراب، جواري، بُت او د قِسمَت معلومولو غشي ناپاكه شيطاني كارونه دي، نو د دې نه بچ اوسئ چې تاسو فلاح اومومئ .