دعاءِ مصطفيٰ صَلَّى اللهُ عَلَيْهِ وَاٰلِهٖ وَسَلَّم

      توهان کي خبر آهي؟ مديني ۾ مرڻ جي دعا ڪرڻ پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم جو مبارڪ طريقو آهي. جي ها...!! روايتن ۾ آهي، جڏهن به رسولِ اڪرم، نورِ مجسم صَلَّى اللهُ عَلَيْهِ وَاٰلِهٖ وَسَلَّم مڪي پاڪ تشريف وٺي ويندا هئا، اتي دعا فرمائيندا هئا: اَللّٰهُمَّ ‌لَا ‌تَجْعَلْ ‌مَنَايَانَا بِهَا حَتَّى تُخْرِجَنَا مِنْهَا يعني اي الله پاڪ...!! اسان کي مڪي ۾ موت نه ڏجان، جيستائين اسان هتان واپس موٽي (يعني مديني پهچي) نه وڃون. ^([1])

مَدینے میں آقا  ہمیں موت  آئے                               بنے کاش! مَدفن ہمارا مَدینہ ^([2])

قيامت جي ڏينهن امن نصيب ٿيندو

حضرت انس رَضِیَ اللهُ عَنْہُ کان روايت آهي ته خاتَمُ الْمُرْسَلین، رَحْمَۃٌلِّلْعٰلمین  صَلَّى اللهُ عَلَيْهِ وَاٰلِهٖ وَسَلَّم فرمايو، جيڪو شخص ٻن حرمَن (يعني مدينه منوره ۽ مڪه مڪرمه) مان ڪنهن به هڪ ۾ مرندو، قيامت جي ڏينهن امن وارن ۾ اٿاريو ويندو. ^([3]) 

      الله! الله! ڪيڏو وڏو انعام آهي، ڪيڏي وڏي خوشخبري آهي، ڪيڏي وڏي نويد آهي، قيامت جو 50 هزار سالن جو ڏينهن * سج سوا ميل تي هوندو ۽ باهه وَسائي رهيو هوندو * ٽامي جي تَتَل زمين تي اُگهاڙي پيرين بيهاريو ويندو * جنهن ڏينهن پيءُ پٽ کي وساري ويهندو * جنهن ڏينهن ماءُ ڌيءَ کان جان ڇڏائيندي هوندي* جنهن ڏينهن هر ڪنهن کي صرف پنهنجي ئي لڳل هوندي. اهڙي خطرناڪ ڏينهن ۾ جن ماڻهن کي امن ۽ امان نصيب ٿيندو، جيڪي راحت ۾ هوندا، جيڪي سڪون سان اهو ڏينهن گذاريندا، اهي ڪير هوندا؟ ها! ها! اهي جن کي مڪي پاڪ ۾ مرڻ نصيب ٿيو هوندو، جن جو مدفن مدينو بڻيو هوندو. الله پاڪ اسان کي مديني پاڪ ۾ شهادت جو موت نصيب فرمائي.

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .