سُبْحٰنَ اللہ ، اَلْحَمْدُ لِلّٰہ ، اَللہُ اَکْبَر، یہ پیارے پیارے پاکیزہ کلمات ہیں، ان سے اپنی زبان تَر رکھنی چاہئے۔ حدیثِ پاک میں ہے: 2کلمے ہیں، اللہ پاک کو بڑے پیارے ہیں، زبان پر بہت ہلکے ہیں (کہ آسانی سے پڑھے جا سکتے ہیں)، میزانِ عَمَل پر بہت بھاری ہوں گی (کون سے کلمے ہیں؟ فرمایا:) سُبْحٰنَ اللہِ وَبِحَمْدِہٖ سُبْحٰنَ اللہِ الْعَظِیْم ۔  ^([1])

ایک مرتبہ سُبْحٰنَ اللہ کہنے سے جنّت میں درخت لگتا ہے۔ یہ حضرت ابراہیم  علیہ السَّلام  کا ہمارے نام پیغام ہے۔ معراج کی رات جب پیارے آقا  صَلَّی اللہُ عَلَیْہِ وَ آلِہٖ وَسَلَّم  کی حضرت ابراہیم  علیہ السَّلام  سے ملاقات ہوئی تو آپ نے فرمایا: اے مُحَمَّد  صَلَّی اللہُ عَلَیْہِ وَ آلِہٖ وَسَلَّم ! اپنی اُمّت کو میری طرف سے یہ پیغام پہنچا دیجیے! کہ جنّت کی زمین خالی میدان ہے۔ اللہ پاک کی تسبیح کر کے یہاں درخت لگایا کرو! ^([2])اللہ پاک ہمیں توفیق عطا فرمائے۔

آئیے! 12 بار سُبْحٰنَ اللہ پڑھ لیتے ہیں:

سُبْحٰنَ اللہ                 سُبْحٰنَ اللہ                  سُبْحٰنَ اللہ                  سُبْحٰنَ اللہ                  سُبْحٰنَ اللہ                  سُبْحٰنَ اللہ

سُبْحٰنَ اللہ                 سُبْحٰنَ اللہ                  سُبْحٰنَ اللہ                  سُبْحٰنَ اللہ                  سُبْحٰنَ اللہ                  سُبْحٰنَ اللہ

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

فیشن پرستی کا وبال

پیارے اسلامی بھائیو!  دَجّال  کا فتنہ انتہائی شدید فتنہ ہے، اِسے سب سے بڑا فتنہ قرار دیا گیا۔ اِس فتنے میں مبتلا جانتے ہیں کون ہو گا؟ یعنی دَجّال  کے شعبدے دیکھ کر اُسے خُدا کون مان لے گا؟ کون کون اُس کے پیچھے چل پڑیں گے؟ حدیثِ پاک سنیئے! پیارے  آقا، مکی