Book Name:Dajal Kahan Hai Kab Nikale ga
ایک اسلامی بھائی کا بیان ہے کہ میری ناک کی ہڈّی ٹیڑھی تھی ، آنکھوں اور سر کا درد بھی پیچھانہیں چھوڑتا تھا ۔ میں نے آپریشن کروانے کا ارادہ کیا تھا ۔ آپریشن سے پہلے قافلے کے ساتھ سفر کرنے کی سعادت حاصل ہوئی ، پہلے ہی سے سُن رکھا تھا کہ قافلے میں دعائیں قَبول ہوتی ہیں لہٰذامیں نے اللہ پاک سے دعا کی:یا اللہ پاک ! دعوتِ اسلامی کے قافلے کی بَرَکت سے میری ناک کی ہڈّی دُرُست فرما دے ۔ قافلے سے واپسی کے کچھ دن بعد جو ناک کی ہڈّی کو بغور دیکھا تو میری خوشی کی انتِہا نہ رہی کیوں کہ قافلے میں کی گئی دعا کی قبولیّت کھلی آنکھوں سے نظر آرہی تھی وہ یوں کہ میری ناک کی ٹیڑھی ہڈّی بالکل دُرُست ہوچکی تھی !
سیکھنے سنّتیں قافلے میں چلو لُوٹنے رَحْمتیں قافلے میں چلو
لینے کو بَرَکتیں قافلے میں چلو پاؤ گے راحَتیں قافلے میں چلو
ٹیڑھی ہوں ہڈّیاں ، ہوں گی سیدھی میاں درد سارے مِٹیں، قافلے میں چلو
دردِ سر ہو اگر دُکھ رہی ہو کمر پاؤ گے صحتیں قافلے میں چلو
غیبی امداد ہو گھر بھی آباد ہو چل کے خود دیکھ لیں قافلے میں چلو
صَلُّوا عَلَی الْحَبِیْب! صَلَّی اللہُ عَلٰی مُحَمَّد
اوقاتِ نماز(Prayer Times) ایپلی کیشن کا تعارف
پیارے اسلامی بھائیو! دعوتِ اسلامی جدید ذرائع کے ذریعے بھی قرآن و سنّت کی خدمت کرنے میں مصروفِ عمل ہے ، اس بات کے پیشِ نظردعوتِ اسلامی کے آئی، ٹی ڈیپارٹمنٹ نے ایک بہت پیاری موبائل ایپلی کیشن بنام اوقاتِ نماز (Prayer Times) جاری کی ہے *اس ایپلی کیشن کے ذریعے دنیا بھر میں کسی بھی مقام کے نمازوں کے اوقات اور سمتِ قبلہ