ٿيڻ جا فائدا به ٻڌڻ جي سعادت حاصل ڪنداسين۔ ضمناً ڪيئي ٻيا به  مدني گل  بيان ڪيا ويندا۔

مٺا مٺا اسلامي ڀائرو! سرڪارِ غوثِ اعظم رَحْمَةُ اللهِ تَعَالٰی عَلَيْه اهڙي پاڪيزه ۽ بَرگُزِيدَه شَخصيت آهن جو خُود سَيدُالاَنبياء، حضرت محمد مُصطفيٰ صَلَّى اللهُ تَعَالٰى عَلَيْهِ وَاٰلِهٖ وَسَلَّم ۽ ٻين نبين سڳورن عَـلَـيْهِمُ السَّلَام ۽ مُختَلِف ولين سڳورن رَحِمَهمُ الله السَّلام وِلادَت کان پهريان سندن وِلايت جون بِشارتون ڏنيون آهن۔ جيئن مڪتبة ُالمدينه جي ڪتاب ”غوثِ پاڪ ڪے حالات“ ۾ آهي۔

 (۱)سرڪار صَلَّى اللهُ تَعَالٰى عَلَيْهِ وَاٰلِهٖ وَسَلَّم جي بِشارت

محبوبِ سُبحَاني، شيخ عبدُالقادرجِيلاني رَحْمَةُ اللهِ تَعَالٰی عَلَيْه جي والدِ ماجد حضرت سَيد ابُو صالح مُوسيٰ جنگي دوست رَحْمَةُ اللهِ تَعَالٰی عَلَيْه حُضُور غوثِ اَعظم رَحْمَةُ اللهِ تَعَالٰی عَلَيْه جي وِلادَت جي رات مُشَاهدو ڪيو ته سَروَرِ ڪائنات، فَخرِ مَوجُودات صَلَّى اللهُ تَعَالٰى عَلَيْهِ وَاٰلِهٖ وَسَلَّمصحابه ڪرام ۽ اَولياءِ عِظام رِضْوَانُ اللّٰه ِتَعَالٰي عَلَيهمْ اَجْمَعِين سان گڏ سندن گھر جَلوه اَفروز ٿيا ۽ اُنهن کي مبارڪ لفظن سان مخاطب ڪري هن بِشارت سان نوازيو: اي ابُو صالح! الله عَزَّوَجَلَّ توهان کي اهڙو فَرزَند (پٽ) عطا فرمايو آهي، جيڪو وَلي آهي ۽ اهو منهنجو ۽ الله پاڪ جو مَحبُوب آهي ۽ ان جو شان اَولياء ۽ قطبن ۾ اهڙو ئي هوندو، جهڙو اَنبياء ۽ مُرسَلين عَلَيهمُ السَّلَام ۾  منهنجو شان آهي۔                         (سيرتِ غوث الثقلين، ص۵۵ بحواله تفريح الخاطر)

جسے خَلْق کہتی ہے پیارا خُدا کا

اُسی کا ہے تُو لاڈلا غوثِ اعظم

                                                                  (ذوق نعت،۱۸۱) 

(۲) اَنبياء ڪرام  عَلَيهمُ السَّلَام جون بِشارتون

حضور غوثِ پاڪ رَحْمَةُ اللهِ تَعَالٰی عَلَيْه جي والد صاحب کي نبي ڪريم، رؤف و رحيم صَلَّى اللهُ تَعَالٰى عَلَيْهِ وَاٰلِهٖ وَسَلَّم کان عِلاوه سڀني نبين سڳورن عَلَيهمُ الصَّلٰوة وَالسَّلَام به هي بِشارت ڏني ته تمام اَولياءالله توهان جي فَرزَند جا فرمانبردار ٿيندا ۽ انهن جي گردنن تي غوثِ پاڪ رَحْمَةُ اللهِ تَعَالٰی عَلَيْه جو مُبارَڪ قدم هوندو۔   (سيرتِ غوث الثقلين، ص۵۵بحواله تفريح الخاطر)