(سامانِ بخشش، ص۹۱-۹۴)

اللہ کی عنایت                   مرحبا          معراج کی عظمت       مرحبا         اَقْصیٰ کی شوکت              مرحبا

بُراق کی قسمت                  مرحبا          بُراق کی سُرعَت         مرحبا         نبیوں کی اِمامت              مرحبا

آقا کی رِفْعت                      مرحبا          آسماں کی سِیاحت       مرحبا         مکینِ لامکاں کی عظمت       مرحبا

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

      پىارے پىارے اسلامى بھائىو! سفرِ معراج میں ہمارے آقا، مدینے والے مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ نے  کئی عجائباتِ قدرت کو ملاحظہ فرمایا، اِس مبارَک سفر(Journey)کی ایک خاص بات یہ بھی تھی کہ آپ صَلَّی اللّٰہُ عَلَیْہِ واٰلِہٖ وَسَلَّمَ نے ربِّ کریم کی ایک عظیمُ الشّان نشانی یعنی  جنّت اور وہاں موجود نعمتوں کو بھی اپنی مبارک آنکھوں سے مُلاحَظہ فرمایا، کئی احادیثِ طیبہ میں آپ عَلَیْہِ السَّلَامنے ان چیزوں کو بیان بھی فرمایا۔آئیے! اس ضمن میں چار (4)روایات سنتے ہیں:

(1)جنّتی نہریں اور پرندے

حضورنبیِّ پاک صَلَّی اللّٰہُ عَلَیْہِ واٰلِہٖ وَسَلَّمَ فرماتے ہیں:(معراج کی رات)میراداخِلہ جنّت میں ہوا، میں نے دیکھا کہ اُس کے سنگریزے موتیوں کے اور اُس کی مِٹّی مُشک کی تھی،^([1]) پھر میں نے نہریں دیکھیں،ایک پانی کی جو تبدیل نہیں ہوتا، دوسری دُودھ کی جس کا ذائقہ نہیں بدلتا، تیسری شَراب کی جس میں پینے والوں کے لئے صرف لذّت ہے(نشہ بالکل نہیں)،چوتھی نہر پاکیزہ اور صاف سُتھرے شہد(Honey) کی۔جنّت  کے پرندے اُونٹوں کی طرح تھے، اُس میں اللہ کریم  نے اپنے نیک بندوں کے لئے ایسے ایسے اِنْعَامات تیّار کر رکھے ہیں،جنہیں کسی آنکھ نے دیکھا نہ کسی کان نے سُنا اور نہ کسی