نو هغه به سخت اُويَريږي، او عرض به اوكړي: نه، اے ربه! بلكه ستا په رحمت [مې جَنَّت ته داخل کړه]. ارشاد به اوشي: اِذْھَبُوْا بِعَبْدِی اِلٰی جَنَّتِیْ بِرَحْمَتِی زما بنده زما په رحمت جنت ته بوځئ! ^([1])   

         اَللهُ اَكْـبَرْ! اے عاشقانِ رسول! په خپلو لمُونځونو په خپلو روژو او په خپل حج او عمرو او په خپله صَدَقه او خيرات وغيره باندې فخر كوونكو د پاره، د خپلو عبادتونو په وجه نورو ته سپك نظر كولو والؤ او مَعاذَ الله! نورو ته پيغورونه وركولو والؤ د پاره په دې حديثِ پاك كښې بيان شوي حكايت كښې ډير زيات عبرت دے! كه چرې زمونږ د اعمالو حساب واخستے شو نو سخته پښيمانه او شرمِنده به شو، هميشه دا دُعا كول پكار دي چې الله پاك دِ په مونږ ګنهګارانو خپل رحمت، فضل او كرم اُوفرمائي او د خپل خوږ حبيب صَلَّى اللهُ تَعَالٰى عَلَيْهِ وَاٰلِهٖ وَسَلَّم په بركت دِ مونږه بے حسابه جنت ته داخل كړي.        اٰمِین بِجَاہِ النَّبِیِّ الْاَمِیْن صَلَّى اللهُ عَلَيْهِ وَاٰلِهٖ وَسَلَّم

صَـــلُّـــوْا  عَـــلَـی   الْــحَـــبِــيْــب!               صَـلَّـی اللهُ   تَعالٰـی عَلـٰی   مُـحَـمَّد

د سُورَۀ مُدَّثِّر آيت نمبر40- 41 بيان

      اَصْحابِ يَمِيْن به كوم ځائے وي؟ الله پاك ارشاد فرمائي:

فِیْ جَنّٰتٍﰈ  (پارہ29،سورۃالمدثر:40)                                               

مفهوم ترجمہ کنز الایمان: په باغونو كښې.