جِزْئِیْل رَحْمَۃُ اللہِ عَلَیْہِ کو حضرت موسیٰ عَلَیْہِ السَّلَام کا حمایتی بنا دیا۔ چنانچہ جب فرعون نے حضرت موسیٰ عَلَیْہِ السَّلَام کو مَعَاذَ اللہ! شہید کر ڈالنے کا منصوبہ بنایا ، اس وقت فرعون کے چچا زاد بھائی حضرت جِزْئِیْل رَحْمَۃُ اللہِ عَلَیْہِ کی غیرتِ ایمانی جوش میں آئی ، جب تک انہیں اپنی جان کا خطرہ تھا ، اس وقت تک تو انہوں نے اپنا ایمان چھپایا ہوا تھا مگر اب بات اللہ پاک کے نبی ، حضرت موسیٰ عَلَیْہِ السَّلَام کی عزّت کی تھی ، اَب اِیْمان چھپانا حکمت کے خلاف تھا ، لہٰذا حضرت جِزْئِیْل رَحْمَۃُ اللہِ عَلَیْہِ نے فِرْعَون کوٹوکا ، اسی کے دربارمیں کھڑے ہو کر ایک لمبی تقریرکی ، فِرْعون کو اوراس کے درباریوں کو اللہ پاک کے عذاب سے ڈرایا ، حضرت نُوح عَلَیْہِ السَّلَام کی ، حضرت ہُوْد عَلَیْہِ السَّلَام ، حضرت صالح عَلَیْہِ السَّلَام کی قوموں کا حال سُنایا ، انہیں حضرت یُوسُف عَلَیْہِ السَّلَامکا دَوْرِنبوت یاد کروایا کہ اسی مُلْکِ مِصْرمیں حضرت یُوسُف عَلَیْہِ السَّلَام کی حکومت تھی ، حضرت یُوسُف عَلَیْہِ السَّلَام بھی اللہ پاک کے نبی تھے ، حضرت یُوسُف عَلَیْہِ السَّلَام بھی اسی بات کی دعوت دیا کرتے تھے ، جس بات کی دعوت آج حضرت موسیٰ عَلَیْہِ السَّلَام دے رہے ہیں ، لہٰذا اَے فرعون! اے فرعون کی قوم! اے فرعون کے وزیرو! تم بھی کلمہ پڑھو ، ایمان قبول کرو ، اللہ پاک کے عذاب سے پناہ مانگو ، جنّت کے رستے پر چلو۔

حضرت جِزْئِیْل رَحْمَۃُ اللہِ عَلَیْہِ کی یہ ایک لمبی تقریر تھی جسے اللہ پاک نے پارہ : 24 ، سورۂ مؤمِن میں ذِکْر فرمایا۔ ^([1]) ان کی یہ پُوری تقریر سُن کربھی فِرْعَون کو ، اس کے وزیروں ، مشیروں کو عقل نہ آئی ، آخِر میں انہوں نے اپنی بات خَتْم کرتے ہوئے فرمایا :