دُعائے مصطفےٰ   صَلَّی اللہُ عَلَیْہِ وَ آلِہٖ وَ سَلَّم   

آپ کو معلوم ہے؟ مدینے میں مَرنے کی دُعا کرنا پیارے آقا، مکی مدنی مصطفےٰ   صَلَّی اللہُ عَلَیْہِ وَ آلِہٖ وَ سَلَّم   کا طریقہ مُبارَک ہے۔ جی ہاں...!! روایات میں ہے، جب کبھی رسولِ اکرم، نورِ مُجَّسَم   صَلَّی اللہُ عَلَیْہِ وَ آلِہٖ وَ سَلَّم   مکّہ پاک تشریف لے جاتے، وہاں دُعا فرمایا کرتے: اَللّٰهُمَّ ‌لَا ‌تَجْعَلْ ‌مَنَايَانَا بِهَا حَتَّى تُخْرِجَنَا مِنْهَایعنی اے اللہ پاک...!! ہمیں مکّے میں موت نہ دینا، یہاں تک کہ ہم یہاں سے پلٹ  (کر واپس مدینے پہنچ ) جائیں۔^([1])

مَدینے میں آقا  ہمیں موت  آئے                                            بنے کاش! مَدفن ہمارا مَدینہ^([2])

بروزِ قیامت اَمن نصیب ہو گا

حضرت اَنس  رَضِیَ اللہُ عنہ  سے روایت ہے کہ خاتَمُ الْمُرْسَلین، رَحْمَۃٌلِّلْعٰلمین   صَلَّی اللہُ عَلَیْہِ وَ آلِہٖ وَ سَلَّم    نے فرمایا ، جو شخص 2حَرْمُوں(یعنی مدینہ مُنوَّرہ اور مکہ مکرّمہ ) میں سے کسی ایک میں مرے گا قیامت کے دن امن والوں میں اٹھایاجائے گا ۔ ^([3])

اللہ !اللہ !کتنا بڑا انعام ہے، کتنی بڑی خوشخبری ہے، کتنی بڑی نوید ہے، قیامت کا  50 ہزار سال کا دن *سورج سوا میل پر رہ کر آگ برسا رہا ہوگا*تانبے کی دَہکتی ہوئی زمین پر ننگے پاؤں کھڑا کیا جائے گا*جس دن باپ بیٹے کو بھول جائے گا*جس دن ماں بیٹی سے جان چھڑائے گی*جس دن ہر ایک کو اپنی اپنی پڑی ہو گی۔ایسے خطرناک دن میں جن لوگوں کو امن و امان نصیب ہو گا ، جو راحت میں ہوں گے ، جو چین سے اس دن کو گزاریں