قربانی کی کھالیں دعوتِ اسلامی کو دیجیے!

پیارے اسلامی بھائیو!اَلحمدُ لِلّٰہ!دعوتِ اسلامی  اسلام اور مسلمانوں کی خدمت میں مصروف عمل ہے،  ان نیک کاموں میں آپ بھی اپنا حِصّہ شامِل کیجیے! عیدُ الاضحیٰ قریب ہے، عاشقانِ رسول قربانی کی سَعَادت پائیں گے۔ التجا ہے !اپنے اپنے جانور کی کھال دعوتِ اسلامی کو دیجیے! آپ کی دِی ہوئی رقم یا کھال کے ذریعے دُنیا بھر میں دِینی، اِصْلاحی، رُوحانی  و فلاحی کام کیے  جائیں گے، اِنْ شَآءَ اللہُ الْکَرِیْم!آپ کے لیے صدقۂ جاریہ ہو گا۔اس کے ساتھ ساتھ اپنے گلی  محلے میں، اپنے عزیز رشتہ داروں  کو فون وغیرہ کر کے بھی اس کی ترغیب دلائیے!اپنی کوشش سے  کھالیں جمع بھی کیجیے! اِنْ شَآءَ اللہُ الْکَرِیْم!اس کی بھی برکتیں ملیں گی، حدیثِ پاک میں ہے:   جس نے کسی بھلائی کی طرف رہنمائی کی، اُسے اُس پر عمل کرنے والے جتنا ثواب ملے گا۔^([1])

کھالیں جمع کرنے کے حوالے سے چند  احتیاطیں پیشِ خدمت ہیں: *اللہ پاک کی رضا کی خاطر کھالیں  جمع کیجیے *اِس دوران نمازوں کی پابندی فرمائیں*بَدبُودار لباس کے ساتھ مسجد میں جانے سے بچیں،  اس کے لیے ایک صاف سُتھرا جوڑا اپنے ساتھ رکھیں *مسجد ، مدرسے وغیرہ کو خون سےآلود ہونے سے بچائیں *جو کسی اور ادارے کو کھال دینے کا وعدہ کر چکے، اُنہیں وعدہ خلافی کا ذہن نہ دیں * کسی کے ساتھ غُصّے کا اظہار نہ کریں *کھال دینے والے کا اچھے طریقے سے شکریہ  اداکیجیے*ایسے مقام پر کھالیں جمع کرنے  کا اسٹال نہ لگائیں کہ کسی کو آنے جانے میں دشواری ہو۔

عطارؔ سے محبوب کی سُنَّت کی لے خدمت           ڈنکا     یہ      تِرے     دین         کا       دُنیا        میں        بجادے^([2])