Book Name:Madine Mein Marne Ke Fazail
جسے مَحْبُوب صَلَّی اللہُ عَلَیْہِ وَ آلِہٖ وَ سَلَّم ٹھہرانا چاہیں، اُسے بَھلا کون نکال سکتا ہے...؟ سیّدی قُطبِ مدینہ رحمۃُ اللہِ علیہ فرماتے ہیں: ایک مرتبہ کسی حاسِد نے غلط شکایت لگائی، جس کی وجہ سے نوبت یہاں تک پہنچ گئی کہ پولیس نے میرا سَامان گھر سے نِکال کر گلی میں رَکھ دیا اور کہا: اب آپ یہاں نہیں رہ سکتے۔ فرماتے ہیں: پولیس والے گلی میں مَوجُود تھے، سامان بھی گلی میں رَکھا تھا، میں بھی وہیں کھڑا تھا، جیسے ہی پولیس والوں کا دھیان اِدھر اُدھر ہوا، میں فورًا آنکھ بچا کر حرمِ پاک کی طرف نِکل گیا۔
ٹُوٹ پڑتی ہیں بَلائیں جِن پر، جن کو ملتا نہیں کوئی یاوَر
ہر طرف سے وہ پُراَرماں پِھر کر اُن کے دامن میں چھپا کرتے ہیں
سیّدی قُطبِ رحمۃُ اللہِ علیہروضۂ پاک پر حاضِر ہو گئے، سُنہری جالیوں کے سامنے کھڑے ہو کر عرض کیا: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم ! میں یہاں سے جانا نہیں چاہتا، یہیں قدموں میں رہنا چاہتا ہوں۔
تیرے ٹکڑوں سے پلے، غیر کی ٹھوکر پہ نہ ڈال جھڑکیاں کھائیں کہاں؟ چھوڑ کے صدقہ تیرا
کس کا مُنہ تَکیے! کہاں جائیے! کس سے کہیے! تیرے ہی قدموں پہ مِٹ جائے یہ پالا تیرا([1])
فرماتے ہیں: درخواست پیش کر کے جب واپس آیا تو کیا دیکھتا ہوں کہ پولیس نے خُود ہی میرا سامان گھر کے اندر رکھ دیا ہے اور مجھے بھی رہنے کی اجازت دے دی۔
عاشقِ مصطفےٰ ضِیاءُ الدِّین زَاہِد و پَارسا ضِیاءُ الدِّین
تم کو قُطبِ مدینہ یامُرشِد! علما نے کہا ضِیاءُ الدِّین
عاشق کا جنازہ ہے ذرا دُھوم سے نکلے...!!
پیارے اسلامی بھائیو! سیّدی قُطبِ مدینہ رحمۃُ اللہِ علیہمدینے ہی میں رہنے، یہیں مرنے،