عشقِ رسول اور محبّت  و بے خُودی کے مزے لُوٹوں گا، جب پیارے آقا، مکی مدنی مصطفےٰ   صَلَّی اللہُ عَلَیْہِ وَ آلِہٖ وَ سَلَّم    کا دامنِ کرم ہاتھ آئے گا تو عشق و محبّت میں لوٹ پَوٹ (یعنی مچل) جاؤں گا۔

صَلُّوْا عَلَی الْحَبیب!                                               صَلَّی اللہُ عَلٰی مُحَمَّد

بیان سننے کی نیتیں

حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیّتوں پر ہے۔^([1])

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے!*رضائے الٰہی کے لیے  بیان سُنوں گا*بااَدَب بیٹھوں گا*خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

عشرۂ ذُو الحج کے فضائِل

پیارے اسلامی بھائیو! اَلحمدُ لِلّٰہ! برکتوں والا، رحمتوں والا، عزّتوں والا مہینا ذُو الحج تشریف لے آیا ہے، حدیثِ پاک میں فرمایا گیا کہ عزّت و حُرْمت کے لحاظ سے یہ سب سے عَظمت والا مہینا ہے۔ ^([2])    حدیثِ پا ک کے مُطَابِق اس ماہ کے ابتدائی 10دنوں میں ایک نیکی کا ثواب 700 گُنا بڑھا دِیا جاتا ہے۔^([3])  ایک اور روایت میں ہے: *اِن دِنوں میں نیکی کرنا اَفْضل نیکی ہے* اِن دِنوں میں ایک دِن کا روزہ رَکھنا، 1سال کے روزوں کے بَرابَر ہے* اِن دِنوں کی راتوں میں قِیام