جامِ عشقِ نبی پِلا کے مجھے                                                                                            مَسْت وبے خُود بنا، ضِیاءُ الدِّین

موت آئے مجھے مدینے میں                                                                             کردو حَق سے دُعا، ضِیاءُ الدِّین

مجھ کو دیدو بقیعِ غَرقَد میں                                                                                                    اپنے قدموں   میں   جا،  ضِیاءُ الدِّین ^([1])

حضرت ضِیَاءُ الدِّین مَدَنی  رحمۃُ اللہِ علیہ  مسلمانوں کے پہلے خلیفہ عاشقِ اکبر حضرت ابوبکر صدیق  رَضِیَ اللہُ عنہ  کی اَوْلاد سے ہیں، ^([2]) گویا آپ کو فیضانِ عشق،  عاشِقِ اکبر ہی سے نصیب ہوا تھا*آپ اَصْل میں سیالکوٹ (پنجاب، پاکستان)کے رہائشی تھے، یہاں سے سَفَر فرمایا اور بَغداد سے ہوتے ہوئے مدینہ شریف حاضِر ہوئے،  اِس شہرِ پاک کی فضاؤں سے ایسی لگن تھی کہ یہیں کے ہو کر رہ گئے، ^([3]) آپ نے 70 سال سے کچھ زائد عرصہ مدینۂ پاک میں گزارنے کی سَعَادت حاصِل کی۔ ^([4])

پون سو سال تک مدینے میں                                                                         تم نے بانٹی ضِیا، ضِیاءُ الدِّین^([5])

مدینہ چھوڑ کر اُن کا دِیوانہ نہ جائے گا...!!

سیّدی قطبِ مدینہرحمۃُ اللہِ علیہ  کو اِس قیام کے دوران بہت تکلیفیں بھی آئیں، وہ حاسِد جو چاہتے تھے کہ آپ یہاں نہ رہیں، عاشقوں کے سینے ٹھنڈے نہ کریں، اُنہوں نے کئی مرتبہ آپ کو یہاں سے نِکلوا دینے کی بھی کوششیں کیں، کئی بار اِنتظامیہ کو آپ کی جھوٹی شکایتیں بھی لگائیں مگر ... یہ شہرِ مدینہ ہے۔

یہاں مَرضی نہیں چَلتی کسی کی                                                                         مدینے والا ہی بُلْوا رہا ہے