ایک عظیم عاشِقِ رسول کا ذِکْرِ خیر

پیارے اسلامی بھائیو! 4 ذُو الحج کو ایک عظیم عاشِقِ رَسول کا یومِ وِصَال ہے، وہ عظیم عاشِقِ رسول جنہوں نے ہزاروں کو عاشِقِ رسول بنایا ہے * وہ عظیم عاشِقِ رَسول  جن کی سِیرت، صُورت، چَال ڈَھال، کھانا، پینا، پہننا، زِندگی کی ایک ایک ادا سُنّت کے سانچے میں ڈھلی ہوئی تھی *وہ عظیم عاشقِ رَسول جنہیں دیکھ کر عاشِقوں کے دِل مَچلنے لگتے تھے *وہ عاشقِ رَسول جو گنبدِ خضرا کے جلووں میں گم رہتے تھے *وہ عاشقِ رَسول جنہیں مدینے سے بےحد محبّت تھی *وہ عاشقِ رَسول جنہوں نے تکلیفیں بَرداشت کیں مگر مدینہ چھوڑنا گوارا نہ کیا *وہ عظیم عاشقِ رَسول جنہیں محبوبِ ذیشان، مکی مَدَنی  سُلطان   صَلَّی اللہُ عَلَیْہِ وَ آلِہٖ وَ سَلَّم   نے اپنے قدموں میں قبول فرمایا اور بقیعِ پاک میں جگہ عطا فرما دی۔

غرقِ عشقِ مصطفےٰ، قُطبِ مدینہ طیبہ       فیض کا اِک سلسلہ، قُطبِ مدینہ طیبہ

ساکنِ شہر مدینہ، مرکزِ مہر و وَفا                                                              مصدرِ حلم  و حیا، قُطبِ مدینہ طیبہ

وضاحت: *حضرت قُطبِ مدینہ  رحمۃُ اللہِ علیہ   کی زندگی، پیارے آقا ، مکی مَدَنی مصطفےٰ   صَلَّی اللہُ عَلَیْہِ وَ آلِہٖ وَ سَلَّم    کے عشق میں ڈوبی ہوئی تھی*آپ کی ذات پاک سے فیض کا دریا بہہ رہا تھا *آپ مدینہ پاک کے رہائشی *وعدہ کی پاسداری کرنے والے اور *حلم وحیا کے پیکر تھے۔  

پیارے اسلامی بھائیو!یہ عظیم عاشقِ رَسول کون ہیں...؟ *یہ امامِ عشق و محبّت اعلیٰ حضرت رحمۃُ اللہِ علیہ   کے مُرِید ہیں*کروڑوں عاشقوں کے دِلوں کی دَھڑکن*عاشقِ مدینہ سیّدی امیر اہلسنّت کے پِیر صاحِب ہیں*دُنیا اِنہیں قُطبِ مدینہ حضرت ضِیَاءُ الدِّین مَدَنی  رحمۃُ اللہِ علیہ  کے نام سے جانتی ہے۔

عاشقِ مصطَفٰے، ضِیاءُ الدِّین                                                                                        زاہِد و پَارْسَا، ضِیاءُ الدِّین