Book Name:Dhal Jaaye Gi Yeh Jawani
کښې د عبرتناک مرګ ښکار شو۔ الله پاک دې هٰغه ځلمے وبخښي۔
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ معاشره کښې نيک او بد هر قِسمه خلق موجود دي ځکه مونږ له د نيکانو خلقو سره سره د ګنهګارانو مسلمانانو سره هم همدردي پکار ده بلکې ځان ګنهګار ګڼل او عاجزي اختيارول پکار ده چې هم دغه زمونږه د اسلافو (يعنې د مخکښينونيکانو خلقو) طريقه ده۔ زمونږه بزرګانِ دِين رَحْمَةُ اللهِ عَلَيْهم به د الله پاک د نيک او مخلصه بندګانو کيدو باوجود ځان ګنهګار ګڼلو او ښه ډيره عاجزي به يـې کوله۔
حضرت مالِک بن دِينار رَحْمَةُ اللهِ عَلَيْه فرمائي: که څوک د جومات پۀ دروازه کښې ودريږي او اِعلان وکړي چې پۀ تاسو کښې څوک د ټولو نه خراب دے هغۀ دې بهر ووځي نو پۀ خُدائے مې دې قَسم وي چې زما نه مخکښې به څوک نه ووځي خو دا چې څوک د خپل طاقت پۀ وجه يا پۀ منډه کښې زما نه مخکښې شي۔ ([1])
سُبْحٰنَ اللہ! د حضرت مالِک بِن دِينار رَحْمَةُ اللهِ عَلَيْه څومره عاجزي وه! د بزرګانو داسې واقعات دې د پاره بيانولے کيږي چې زمونږ پۀ شان ګنهګاران مسلمانان ترينه عبرت حاصل کړي، زمونږ د ځان نيک ګڼلو پۀ شان خوش فهمي لرې شي او زمونږ د خپل روښانه مستقبل د ارمان سره سره د خپل قبر د روښانه کولو فِکر هم نصيب شي۔ پۀ معاشره کښې ليدلے کيږي چې د ډيرو خلقو سره د خپل اخرت هيڅ پروا نۀ وي تر دې پورې چې پۀ دې باره کښې د سوچ کولو او پۀ دې موضوع باندې د خبرو اترو کولو يا اوريدو د پاره هم تيار نۀ وي۔