زیادہ ہیں، مضبوط پہاڑ جتنے بلکہ اس سے بھی بڑے ہیں مگر کریم جب مُعَاف فرمائے تو ان گُنَاہوں کی حیثیت مچھر کے پَر برابر بلکہ اس سے بھی کم رہ جاتی ہے۔

40 دِن مسلسل آپ یہ عرضی پیش کرتے رہے، پِھر ایک دِن حاضِر ہوئے، عرض کیا:

فِیْ حَالَةِ الْبُعْدِ رُوْحِیْ كُنْتُ اُرْسِلُهَا                                               تُقَبِّلُ الْاَرْضَ عَنِّیْ وَهِیَ نَائِبَتِیْ

وَهَذِهٖ نَوْبَةُ الْاَشْبَاحِ قَدْ حَضَرَتْ                                                               فَامْدُدْ يَمِيْنَكَ كَیْ تَحْظٰی بِهَا شَفَتِیْ

ترجمہ:یارسولَ  اللہ   صَلَّی  اللہ  عَلَیْہِ وَ آلِہٖ وَ سَلَّم ! جب میں دُور تھا تو اپنی رُوح کو آپ کی جناب میں بھیجا کرتا، میری رُوح میری نائب بن کر آپ کے درِ پاک کی زمین چومتی تھی، یارسولَ  اللہ   صَلَّی  اللہ  عَلَیْہِ وَ آلِہٖ وَ سَلَّم ! اب جسمانی طور پر حاضِری کی سعادت مل رہی ہے، اپنا ہاتھ مبارَک بڑھائیے! تاکہ میرے ہونٹ ہاتھ مبارَک کو چومنے کا شرف حاصِل کر لیں۔

بَس اتنا عرض کرنے کی دَیْر تھی، پیارے آقا، مکی مدنی مصطفےٰ  صَلَّی  اللہ  عَلَیْہِ وَ آلِہٖ وَ سَلَّم  نے روضۂ پُرنُور سے ہاتھ مبارَک بڑھایا، غوثِ پاک  رحمۃُ  اللہ  علیہ  نے ہاتھ ملایا، ہاتھ مبارَک کو چوما اور سَر پر لگا لیا۔^([1])

واہ کیا مرتبہ اے غوث ہے بالا تیرا                             اونچے اونچوں کے سروں سے قدم اعلیٰ تیرا

سر بھلا کیا کوئی جانے کہ ہے کیسا تیرا                         اولیا ملتے ہیں آنکھیں وہ ہے تلوا تیرا^([2])

صَلُّوْا عَلَی الْحَبِیْب!                                               صَلَّی  اللہ  عَلٰی مُحَمَّد

مزار سے ہاتھ باہَر نکالنے کی دلیل

پیارے اسلامی بھائیو! حُضُور غوثِ پاک  رحمۃُ  اللہ  علیہ  کی شان دیکھیےکتنی اُونچی ہے،