عثمانِ غنی رَضِیَ اللہُ تَعَالٰی عَنْہُ کے مُتَعَلِّق پُوچھ رہے تھے، اُنہیں کیا جواب دُوں؟ فرمایا: انہیں بتانا کہ یہ آیتِ کریمہ حضرت عثمانِ غنی رَضِیَ اللہُ تَعَالٰی عَنْہُ پر مکمل فِٹ آتی ہے (آیت کونسی ہے؟ پارہ: 7، سورۂ مائدہ کی یہ آیت): ^([1])  

اٰمَنُوْا وَ عَمِلُوا الصّٰلِحٰتِ ثُمَّ اتَّقَوْا وَّ اٰمَنُوْا ثُمَّ اتَّقَوْا وَّ اَحْسَنُوْاؕ-وَ اللّٰهُ یُحِبُّ الْمُحْسِنِیْنَ۠(۹۳)

                                                                            (پارہ:7، المائدہ:93) 

تَرْجمہ ٔکَنْزُالعِرْفان  :    ایمان رکھیں اور اچھے عمل کریں پھر ڈریں اور ایمان رکھیں پھر ڈریں اور نیکیاں کریں اور اللہ  نیکی کرنے والوں سے محبت فرماتا ہے۔

یعنی اے سُوال کرنے والے: جب تم مدینے پہنچو تو وہاں والوں کو بتانا کہ عثمان وہ عظیمُ الشّان ہیں٭جنہوں نے ایمان قبول کیا٭نیک اَعْمال کیے٭ساری زندگی ایمان پر ثابت قدم رہے٭ساری زندگی تقویٰ اپنائے رہے٭اللہ  پاک سے ڈرتے رہے٭آپ ایسے نیکوکار ہیں جن سے اللہ  پاک محبّت فرماتا ہے۔

محبوبِ مصطفےٰ بھی ہے عثمان ذُوالنّورین         اِک پیکرِ سخا بھی ہے عثمان ذُوالنّورین

راہِ خدا میں جان بھی، اسباب و مال بھی             سب کچھ ترا فدا بھی ہے عثمان ذُوالنّورین

صَلُّوا عَلَی الْحَبِیْب!                                               صَلَّی اللہ  تَعَالٰی عَلٰی مُحَمَّد

4 لذّت بھری عبادات

آئیے! حضرت عثمانِ غنی رَضِیَ اللہُ تَعَالٰی عَنْہُ کا ایک فرمان سُنتے ہیں۔ آپ فرماتے ہیں: میں نے عِبَادت کی لذّت 4چیزوں میں پائی ہے:(1):فِیْ اَدَاءِ فَرَائِضِ اللہ   یعنی اللہ  پاک کے فرائضِ کی ادائیگی میں (2):  فِیْ اِجْتِنَابِ مَحَارِمِ اللہ  اللہ  پاک کی حرام کی ہوئی چیزوں سے بچنے میں (3): فِی الْاَمْرِ باِلْمَعْرُوْفِ وَ اِبْتِغَاءِ ثَوَابِ اللہ  رِضائے اِلٰہی کے حُصُول کے لیے  نیکی