مسلسل نافرمانين ۾ مبتلا رهندو آهي، اهو ذلت جي گهري کڏ ۾ ڪيرايو ويندو آهي.^([1])

نافرمانيءَ ذليل ۽ رسوا ڪري ڇڏيو

   حضرت جُبَيۡر بن نُفَيۡر رَحْمَةُ الـلّٰـهِ عَـلَيْه فرمائن ٿا: جڏهن مسلمانن قُبۡرُص کي فتح ڪيو، مون ڏٺو ته صحابيءِ رسول حضرت ابو درداء رَضِىَ الـلّٰـهُ عَـنْهُ اڪيلائيءَ ۾ ويٺا روئي رهيا هئا، مان سندن خدمت ۾ حاضر ٿيس ۽ عرض ڪيم: عالي جاھ! اڄ ته الله پاڪ مسلمانن کي ڪافرن تي غلبو عطا فرمايو آهي (يعني اڄ خوشيءَ جو ڏينهن آهي) ۽ اوهان لڙڪ وهائي رهيا آهيو؟ حضرت ابو درداء رَضِىَ الـلّٰـهُ عَـنْهُ فرمايو: اي جُبَيۡر! غور ته ڪر...! جيڪو الله پاڪ جي نافرماني ڪندو آهي، اهو پنهنجي رب جي حضور ڪيترو بي قدر ٿي ويندو آهي. قُبۡرُص جا رهواسي ڪيڏا غلبي ۽ عزت وارا هئا، انهن الله پاڪ جا حڪم ڇڏيا، پنهنجي رب ڪريم جي نافرماني ڪئي ته انهن جو هي حال ٿيو (جو اڄ انهن کي شڪست ملي ۽ اهي ذليل ۽ رسوا ٿي ويا).^([2])

عزت صرف الله پاڪ جي فرمانبرداري ۾ آهي

   پيارا اسلامي ڀائرو! معلوم ٿيو: عزت صرف ۽ صرف الله پاڪ جي فرمانبرداري ۾ آهي، جيڪو الله پاڪ جي نافرماني ڪندو آهي، اهو ذليل ۽ رسوا ٿي رهجي ويندو آهي. سڀني مسلمانن جي امڙ سائڻ حضرت عائشه صديقه رَضِیَ اللهُ عَنْهَا هڪ ڀيرو (نصيحت ڀريو) خط لکيو، ان ۾ فرمايائون: بيشڪ جيڪو ٻانهو الله پاڪ جي نافرماني ڪندو آهي، ان جي سزا ۾ ان شخص جي تعريف ڪندڙ ماڻهو ئي ان جون بُرايون ڪرڻ لڳندا آهن.^([3])