دعوت اسلامی

اے دعوتِ اسلامی تری دھوم مچی ہے

محرم الحرام1440

مدنی مرکز فیضانِ مدینہ سردار آباد فیصل آباد میں ہونے والے مدنی کاموں کی جھلکیاں اعتکاف : ماہِ رمضان المبارک کی برکتیں حاصل کرنے کے لئے پورے ماہِ رمضان کے اعتکاف کا سلسلہ ہوا جس میں نگرانِ پاکستان اِنتظامی کابینہ حاجی ابورجب محمد شاہد عطّاری نے پورے ماہِ رمضان کا اِعتکاف کیا ، روزانہ بعد نمازِ فجرمدنی حلقے میں بذریعہ مدنی چینل براہِ راست(Live)بیان ، وقتاً فوقتاً اعتکاف کی مجالس اور حلقوں کے نگران و اراکین اسلامی بھائیوں کی مدنی تربیت اور دیگر مدنی کاموں کا جدول رہا۔ سُنّتوں بھرے اجتماعات اور مدنی مشورے : شَوّالُ الْمُکَرّم 1439ھ میں اِن شعبہ جات کے سُنّتوں بھرے اجتماعات اور مدنی مشوروں کی ترکیب ہوئی : * مجلس اِعتکاف * مجلس مدرسۃ المدینہ بالغان* شعبۂ تعلیم* مجلسِ ڈاکٹرز * مجلس مکتوبات و تعویذاتِ عطّاریہ* مجلس مدرسۃُ المدینہ * مجلس ہفتہ واراِجتماع جن میں نگرانِ مجالس و صوبائی ذمہ داران نے شرکت کی ، نگرانِ پاکستان اِنتظامی کابینہ حاجی شاہد عطّاری نے مدنی کاموں کی کارکردگی کا جائزہ لیتے ہوئے شُرَکا کو مزید مدنی کام بڑھانے کے مدنی پھول اِرشاد فرمائے۔ مدنی مشورہ پاکستان اِنتظامی کابینہ : 8 تا 10 جولائی 2018ء “ پاکستان اِنتظامی کابینہ “ کا مدنی مشورہ ہوا جس میں چند اراکینِ شُوریٰ ، نگرانِ کابینات اور * شعبۂ تعلیم* مجلسِ ڈاکٹرز * مجلسِ اعتکاف پاکستان * جامعۃُ المدینہ للبنین* مجلسِ مالیات اور * مجلس مدرسۃُ المدینہ کے نگرانِ مجالس و صوبائی ذمہ داران نے شرکت کی۔ جامعۃ ُ المدینہ کا افتتاح پاکستان کے دارالحکومت اسلام آباد (پاک مہروی کابینات) کے نواحی علاقے علی پور فراش میں دعوتِ اسلامی کے تحت جامعۃُ المدینہ کی ایک نئی شاخ کا افتتاح ہوا ، اس پُرمَسرت موقع پر سنّتوں بھرا اجتماع منعقد کیا گیا جس میں مقامی اسلامی بھائیوں اور شخصیات نے شرکت کی ، رکنِ شوریٰ حاجی محمد اظہر عطّاری نے سنّتوں بھرا بیان فرمایا۔ حج تربیتی اجتماعات مجلسِ حج و عمرہ کے تحت * عالمی مدنی مرکز فیضانِ مدینہ بابُ المدینہ کراچی میں حج تربیتی اجتماع کا انعقاد کیاگیا جس میں رکنِ شوریٰ مولانا عبدالحبیب عطّاری نے سنّتوں بھرا بیان فرمایا اور ارکانِ حج کے متعلق عازمینِ حج کی تربیت فرمائی۔ * فتح جنگ (ضلع اٹک ، پاک سمرقندی) کابینہ میں بھی حج تربیتی اجتماع ہوا جس میں مبلغِ دعوتِ اسلامی نے عازمینِ حج کی تربیت فرماتے ہوئے احرام باندھنے کا طریقہ اور دیگر احکامِ حج بیان کئے۔ دارُ المدینہ کے طلبہ کا شاندار رزلٹ* میٹرک رزلٹ 2018ء میں دارُالمدینہ اسلامک اسکولنگ سسٹم کے طلبہ کا رزلٹ شاندار رہا۔ سردارآباد ، طلحہ عطاری نے 93.36% ، منیب رضاعطاری نے 92.81% ، عبدالقیوم عطاری نے 92.63% اور محمد حامد خان عطاری نے 91.63% ، مرکزالاولیاء ، ملتان کیمپس کے اویس سہیل عطاری نے 91.00% اور محمد حسن افضل عطاری نے 90.36% نمبر حاصل کرکے A+1 گریڈ حاصل کیا۔ تنظیم المدارس کے امتحانات میں جامعات المدینہ کے طلبہ کی نمایاں کامیابی تنظیم المدارس اہلِ سنّت پاکستان کے امتحانی نتائج میں جامعات المدینہ کے طلبائے کرام نے پاکستان سطح پر پہلی ، دوسری اور تیسری پوزیشنز حاصل کیں * درجہ عالمیہ (ایم اے عربی و اسلامیات) میں محمد ایوب عطاری (مرکزی جامعۃ المدینہ فیضان مدینہ ، باب المدینہ کراچی) نے پہلی * درجہ عالیہ (بی اے)میں فیصل عطاری ، محمدعثمان عطاری اور قمر حسین عطاری (جامعۃ المدینہ فیضانِ مدینہ کاہنہ نَو ، مرکز الاولیاء لاہور )نے بالترتیب پہلی ، دوسری اور تیسری ، * درجہ خاصہ(ایف اے) میں محمد اویس عطاری(مرکزی جامعۃ المدینہ فیضانِ مدینہ اوکاڑہ) نے دوسری اور * درجہ عامّہ (میٹرک) میں محمد حمزہ عطاری (جامعۃ المدینہ فیضانِ بخاری موسیٰ لین باب المدینہ کراچی) نے پہلی پوزیشن حاصل کی۔ مجلس خدّام المساجد کے مدنی کام مجلس خدّام المساجد کے تحت جولائی 2018ء میں * دارالسلام (ٹوبہ) سلطانی کابینہ میں جامع مسجد فیضانِ غوث اعظم اور * سردارآباد فیصل آباد نئی سو سائٹی احمد دین میں جائے نماز کا افتتاح ہوا۔ * پینسرہ سردارآباد میں نئی سو سائٹی آئیڈیل سپر مارکیٹ میں جامع مسجد فیضانِ حسنین کریمین اور * مرید کے پاک زنجانی کابینہ کی ایک نئی سوسائٹی میں مسجد فیضانِ اہلِ بیت کے لئے جگہ کی ترکیب بنی۔ * رکنِ شوریٰ حاجی لقمان عطّاری نے باب المدینہ کراچی میں واقع جامع مسجد عثمان غنی گلستانِ جوہر اور رضا مسجد کورنگی میں جا کر اور بلاس پور ہند میں بذریعہ انٹرنیٹ ذمہ داران کے تربیتی اجتماع اور مدنی مشوروں میں شُرَکا کو مدنی پھولوں سے نوازا اور مساجد بنانے کی خوب ترغیب دلائی۔ عاشقانِ رسول کا بذریعہ اسپیشل ٹرین مدنی قافلوں میں سفر شیخِ طریقت ، امیرِ اہلِ سنّت دَامَتْ بَرَکَاتُہُمُ الْعَالِیَہ کی خواہش کے مطابق 2018ء مدنی قافلے کا سال منایا جارہا ہے تادمِ تحریر ایک ماہ کے مدنی قافلے کے لئے* 15 جون 2018ء کو باب المدینہ کراچی سے اسلام آباد اسپیشل ٹرین بنام جنّت ایکسپریس* 29 جون اور یکم جولائی 2018ء کو زم زم نگر حیدرآباد سے راولپنڈی دو اسپیشل ٹرینیں بنام سخی سلطان ایکسپریس اور مشکل کشا ایکسپریس روانہ ہوئیں جن میں 1604 عاشقانِ رسول نے راہِ خدا میں سفر کیا۔ اعراسِ بزرگانِ دین پر مجلس مزارا تِ اولیا کے مدنی کاممجلس مزاراتِ اولیا کے تحت جولائی 2018ء میں* حضرت سید لعل بادشاہ رحمۃ اللہ تعالٰی علیہ (نیو مری) * حضرت مولانا عارف اللہ قادری علیہ رحمۃ اللہ الوَالی (راولپنڈی) * حضرت سید عبداللہ شاہ رحمۃ اللہ تعالٰی علیہ (بھنگالی شریف) * حضرت پیر سید چَیْتَن شاہ رحمۃ اللہ تعالٰی علیہ (قصور) اور * حضرت بابا گُجّا پیر سرکار (مرکز الاولیاء لاہور) کے اعراسِ مبارکہ کے موقع پر قراٰن خوانی ، اجتماعِ ذکر و نعت ، مدنی حلقوں ، مدنی دوروں ، انفرادی کوشش اور مدنی قافلوں کی آمد کا سلسلہ رہا جن کی برکت سے کثیر عاشقانِ رسول کو مزار شریف پر حاضری کا طریقہ اور دیگر مدنی پھول بیان کئے گئے۔ مجلس اصلاح برائے فنکار کے مدنی کام دعوتِ اسلامی کی مجلس اصلاح برائے فنکار کے تحت جولائی 2018ء میں مرکز الاولیاء لاہور کے* تماثیل تھیٹر * آرٹس کونسل الحمراء ہال * الفلاح تھیٹر* سنگم تھیٹر * الحمراء قذافی ہال اور گوجرانوالہ ترمذی کابینات کے کیپری تھیٹر سمیت دیگر مقامات پرمدنی حلقوں کاانعقادکیاگیاجن میں ڈائریکٹرز ، پروڈیوسرز ، گلوکاروں ، اداکاروں اور فنکاروں نے شرکت کی۔ مختلف شعبہ جات کی مدنی خبریں * شعبۂ تعلیم اور مجلس ڈاکٹرز کے زیرِ انتظام مرکزالاولیاء لاہور میں عظیم الشان پروفیشنلز اجتماع منعقد کیا گیا جس میں میڈیکل شعبہ سے وابستہ 100 سے زائد HOD ، پروفیسرز ، کنسلٹنٹ ، PG ، میڈیکل اسٹوڈنٹس ، 30 سے زائد پی ایچ ڈی اسکالرز ، 50 سے زائد فنانس آفیسرز ، 100سے زائد IT و دیگر انجینئرز سمیت سرکاری اور پرائیویٹ تعلیمی اداروں کے اساتذہ نے شرکت کی ، رکنِ شوریٰ حاجی یعفوررضا عطّاری نے سنّتوں بھرا بیان فرمایا۔ * مجلس آئی ٹی کے تحت 16 جولائی 2018ء کو مدنی حلقے کا سلسلہ ہوا جس میں رکنِ شوریٰ حاجی محمداطہر عطّاری نے شُرَکا کو مدنی پھولوں سے نوازا۔ * مجلسِ معاونت برائے اسلامی بہنیں کے تحت جولائی 2018ء میں 115 محارم اجتماعات منعقد ہوئے جن میں کم و بیش 1714 اسلامی بھائیوں نے شرکت کی ، مدنی انعامات کے 468 رسائل تقسیم کئے گئے ، 437 عاشقانِ رسول نے3 دن ، 47 اسلامی بھائیوں نے 12 دن اور 17 اسلامی بھائیوں نے ایک ماہ کےمدنی قافلے میں سفرکی سعادت پائی۔ * مجلس تقسیمِ رسائل کے تحت نگران مجلسِ تقسیمِ رسائل نے سردارآباد فیصل آباد اور مرکز الاولیاء کی مختلف مارکیٹوں میں مدنی دورہ فرمایا اور شخصیات سے ملاقاتیں کرتے ہوئے انہیں مکتبۃُالمدینہ کی کتب و رسائل تقسیم کرنے اور اپنی دوکانوں پر رسائل بکس رکھنے کا ذہن دیا۔

جانشین امیراہلِ سنّت کا سفرِ تنزانیہ جانشینِ امیرِاہلِ سنّت حضرت مولانا ابو اُسید عبید رضا عطاری مدنی دَامَتْ بَرَکَاتُہُمُ الْعَالِیَہ نے 25 جولائی 2018ء کوایسٹ افریقہ کے ملک تنزانیہ اور کینیا (Kenya) کا مدنی سفرفرمایا جہاں مختلف مقامات پر سنّتوں بھرے اجتماعات میں بیانات، مدنی مرکزفیضانِ مدینہ اور مدرسۃ المدینہ کے دورے اور تنزانیہ کے علما و شخصیات سمیت مقامی عاشقانِ رسول سے ملاقاتوں کا سلسلہ رہا۔ اراکینِ شوریٰ کا بیرونِ ممالک سفر ٭مولانا عبدالحبیب عطاری نے مفتی محمد قاسم عطاری مَدَّظِلُّہُ الْعَالِی کے ہمراہ 11 جولائی 2018ء کو جرمنی ٭12 جولائی کو آسٹریا ٭13 جولائی کو سویٹزر لینڈ (Switzerland) اور ٭14، 15 جولائی کو اٹلی ٭سیّد محمد ابراہیم عطاری نے 3تا 17 جولائی 2018ء جرمنی، ہالینڈ، فرانس، ڈنمارک، سویڈن، ناروے، یونان، اسپین، اٹلی اور ترکی ٭سید محمد لقمان عطاری اور حاجی محمد امین عطاری نے 22 جولائی 2018ء کو ایسٹ افریقہ کے شہروں تنزانیہ، کینیا اور یوگینڈا ٭حاجی وقار المدینہ عطاری نے 25 جولائی 2018ء کو ساؤتھ افریقہ کے مختلف شہروں پریٹوریا، کیپ ٹاؤن، جوہانسبرگ، ڈربن، ویندا(Venda)، پولو کوانے(Polokwane)، لیمپوپو (Limpopo) اور پیٹر ماریٹز برگ (Pietermaritzburg) اور موزمبیق (Mozambique) کے شہر بیرا (Beira) ٭سیّد عارف علی عطّاری نے 2 جولائی 2018ء کوئت(Kuwait) ٭محمد رفیع العطاری نے 8 جولائی 2018ء کو تھائی لینڈ، ملائیشیا، سری لنکا اور کمبوڈیا (Cambodia)٭محمد بلال رضا عطاری ٭محمد فضیل رضا عطاری اور ٭محمد فاروق جیلانی عطاری ٭مولانا ابوماجد محمد شاہد عطاری مدنی ٭مولانا محمد عقیل عطاری مدنی نے جولائی 2018ء میں نیپال کا مدنی سفر فرمایا۔ اراکینِ شوریٰ نے اپنے مدنی اسفار میں جدول (Schedule) کے مطابق مختلف مقامات پر سنتوں بھرے اجتماعات، مدنی حلقوں اور ذمہ داران کے مدنی مشوروں میں مدنی پھول عطا فرمائے، مدنی مراکز اور مدراس المدینہ وغیرہ کے دورے (Visit) کئے جبکہ مقامی علما و شخصیات اور دیگر عاشقانِ رسول نے اِن سے ملاقات بھی کی۔مسجد کا سنگ بنیادمجلس خدام المساجد کے تحت شیرانی آباد حمیدی کابینہ، ہند میں جامع مسجد فیضان جیلان ،ومدرسہ فیضان جیلان کا سنگ بنیا د رکھا گیا۔ جامعۃ المدینہ کا افتتاح 27جولائی 2018ء کو سری لنکا کے شہر کولمبو میں جامعۃ المدینہ (للبنین) کاافتتاح ہوا، اس پُر مسرت موقع پر سنّتوں بھرے اجتماع کا انعقاد کیا گیا جس میں رکنِ شوریٰ محمد رفیع العطاری نے سنّتوں بھرا بیان فرمایا۔ مدنی قافلہ ٭29 جون 2018ء کو سنّتوں کی تربیت کے لئے یوکے چشتی کابینات سےایک مدنی قافلہ جرمنی روانہ ہوا۔ہفتہ وار سنّتوں بھرے اجتماعات دعوتِ اسلامی کے تحت ہر جمعرات کو دنیا بھر میں مختلف مقامات پر ہفتہ وارسنّتوں بھرے اجتماعات کا سلسلہ ہوتاہے، اَلْحَمْدُلِلّٰہِ عَزَّ وَجَلَّ تادمِ تحریر پاکستان کے علاوہ دیگر ممالک میں کم وبیش 752 مقامات پر ہفتہ وار سنّتوں بھرے اجتماعات کا سلسلہ جاری ہے جن میں مبلغینِ دعوتِ اسلامی سنّتوں بھرابیان فرماتے اور ہزاروں عاشقانِ رسول شرکت کی سعادت پاتے ہیں۔ مدنی تربیتی اجتماع ٭مجلس بیرونِ ملک کے تحت 22 جولائی 2018ء کو سنّتوں بھرے اجتماع کا سلسلہ ہوا جس میں نگرانِ ممالک، کابینات، کابینہ، ڈویژن، علاقہ اور اجتماعی قربانی کے ذمہ داران اسلامی بھائیوں نے شرکت کی،رکنِ شوری مولانا عبدالحبیب عطاری نے بذریعہ انٹرنیٹ لِنک (آڈیو/ویڈیو) سنّتوں بھرا بیان فرماتے ہوئے شُرَکَا کو اِجتماعی قربانی سے متعلق مدنی پھولوں سے نوازا۔

علمائے کرام سے ملاقاتیں مجلسِ رابطہ بالعلما و المشائخ کے ذمہ داران نے پچھلے دنوں جن علمائے کرام سے ملاقاتیں کیں ان میں سے چند کے نام یہ ہیں۔ پاکستان:٭مولانا قاری عبدالرزاق چشتی صاحب (مدرس مدرسہ عربیہ انوارالعلوم حسینیہ تعلیم القرآن، ڈیرہ غازی خان) ٭مولانا زبیر صاحب (ناظم جامعہ رضاءالعلوم،ڈیرہ غازی خان) ٭مولانا قاری مقبول حسین اختر القادری صاحب (مہتمم دارالعلوم شمع الاسلام،زم زم نگر حیدرآباد) ٭مولانا غلام دستگیر نقشبندی صاحب (مہتمم جامعہ الحمرہ للبنات، ضلع منڈی بہاؤالدین) ٭مفتی غلام مرتضیٰ بندیالوی صاحب (مہتمم جامعہ نور مصطفےٰ، کوٹ ادّو، ضلع مظفرگڑھ) ٭مولانا محمد سلیمان صاحب (خطیب جامع مسجد شاہ بابا بخاری، سبزپور(ہری پور) ہزارہ) ٭مولانا خلیل احمد سلیمانی صاحب (مدرّس مدرسہ فخریہ اسلامیہ، ڈیرہ غازی خان) ٭مولانا سعید احمد سعیدی صاحب (مہتمم جامعہ گلزار مدینہ فیض العلوم، ڈیرہ غازی خان) ٭مولانا قاری خالد محمود نقشبندی (ناظم اعلیٰ مدرسہ ممتازالعلوم، زم زم نگر حیدرآباد) ہند: (جامعہ قدیریہ اعجازالعلوم، نانپارہ یوپی کے علمائے کرام) ٭مولانا عبدالرشید قدیری صاحب ٭مولانا رضوان صاحب ٭مولانا سید ظہیر میاں صاحب ٭مولانا ذوالفقاررضوی صاحب ٭مولانا ضیاء الدین صاحب (صدر مدرس جامعہ تیغیہ، ممبئی ہند) ٭مولانا سید محمد رضوان رفاعی صاحب (صدر اعلیٰ دارالعلوم سہارا، ممبئی ہند) ٭مفتی قاضی ابراہیم رتنگری (دارالعلوم فیضان امام احمد رضا،ہند) ٭مولانا مجیب اشرف رضوی صاحب (قاضی مہاراشٹر) ٭مفتی منظر حسن اشرفی صاحب (مہتمم دارالعلوم حجازیہ چشتیہ، ممبئی) ٭مولانا شمس الحق نوری صاحب (مدرس مدرسہ وحیدیہ آرہ بہار) ٭مولانا محمد صلاح الدین رضوی صاحب (مدرس مرکزی دارالعلوم عمادیہ،پٹنہ بہار) ٭مفتی مطیع الرحمن اشرفی صاحب (مدنی دارالافتاء، احمد آباد) ٭مولانا کمال الدین صاحب (امام و خطیب جامع مسجد رحمانیہ ، کلکتہ) ٭مولانا محمد یعقوب صدیقی صاحب (ناظم اعلی دارالعلوم فیض الرحمن گجرات) ٭مفتی محمد اشتیاق القادری صاحب (قاضی دہلی) نیپال: ٭مفتی کہف الوری مصباحی صاحب (خطیب جامع مسجد فیض النبی، نیپال گنج، نیپال) کرغیزستان (Kyrgyzstan) سے علمائے کرام کی عالمی مدنی مرکز فیضانِ مدینہ باب المدینہ کراچی آمد: کرغیزستان سے 8 علمائے کرام کی عالمی مدنی مرکز فیضانِ مدینہ باب المدینہ کراچی آمد ہوئی، ان علمائے کرام نےدعوتِ اسلامی کے دارالافتاء اہلِ سنّت، المدینۃ العلمیہ، جامعۃ المدینہ، دار المدینہ اور مدرسۃ المدینہ سمیت دعوتِ اسلامی کےدیگر شعبہ جات کا دورہ فرمایا اور شیخِ طریقت امیرِاہلِ سنت دَامَتْ بَرَکَاتُہُمُ الْعَالِیَہ،جانشینِ امیرِ اہلِ سنّت مولانا عبید رضا عطاری مدنی مُدَّظِلُّہُ الْعَالِی، نگرانِ شوریٰ حضرت مولانا محمد عمران عطاری، نگران پاک انتظامی کابینہ حاجی ابورجب محمدشاہد عطاری اور دیگر اراکینِ شوریٰ و مفیانِ کرام سے ملاقات کی۔ ان علمائے کرام نے مدنی چینل کو تأثرات دیتے ہوئے خدماتِ دعوتِ اسلامی کو خوب سراہا۔ شخصیات سے ملاقاتیں مجلس رابطہ کے ذمہ داران نے جن شخصیات سے ملاقاتیں کیں ان میں سے چند کے نام یہ ہیں: ٭چوہدری سلیم احمد میلہ (جنرل ریٹائرڈ گلزارِ طیبہ سرگودھا) ٭میاں مناظر علی رانجھا (سابق صوبائی وزیر گلزارِ طیبہ سرگودھا) ٭برکات احمد گوندل (فنانس آفیسر کوٹ مومن، گلزارِ طیبہ سرگودھا) ٭حافظ عمر فاروق (اسسٹنٹ کمشنر خوشاب) ٭محمد ندیم عباس (ڈپٹی کمشنر خوشاب) ٭محمد حسنین حیدر (ڈی پی او خوشاب) ٭محمدعثمان وڑائچ (ڈی ایس پی خوشاب) ٭ملک عبدالطیف طاہر اعوان (ڈی ایس پی مٹھہ ٹوانہ) ٭محمد عمران خان (ڈی ایس پی نور پور تھل) ٭ملک محمد ظفر اعوان (ڈی ایس پی لیگل خوشاب) ٭زبیر احمد دریشک (ڈی پی او گلزارِ طیبہ سرگودھا) ٭وقاص اسلم مارتھ (اسسٹنٹ کمشنر گلزارِ طیبہ سرگودھا) ٭مہر اختر عباس وینس (ڈی ایس پی گلزارِ طیبہ سرگودھا) ٭آصف بہادر خان(ڈی ایس پی بھلوال) ٭سعید اللہ خان روکھڑی (ڈی ایس پی سٹی گلزارِ طیبہ سرگودھا) ٭محمد امتیاز احمد شاہد (اسسٹنٹ کمشنرقائد آباد) مسعود منیر (CPO، ملتان) ٭امیر تیمور (SP INV،ملتان) ٭محمد طالب ڈوگر (ڈائریکٹر جنرل PTA اسلام آباد) ٭نقیب ارشد (سیکشن آفیسر اسلام آباد) ٭خورشید خان (ڈپٹی سیکرٹری اسلام آباد) ٭سید آصف علی (اے سی سٹی وہاڑی) ٭شبیر احمد (ڈی ایس پی سوہاوہ) ٭عثمان اعجاز باجوہ (ڈی پی او لودھراں) ٭سید فیصل شاہ (ڈی ایس پی جہلم)۔ ان شخصیات کو مکتبۃ المدینہ کی چھپی ہوئی کُتُب اور ماہنامہ فیضانِ مدینہ کے شمارے تحفے میں پیش کئے گئے۔ سابق سینیٹر کے انتقال پر تعزیت سانحہ مستونگ (بلوچستان) میں انتقال کرنے والے سابق سینیٹر نوابزادہ میر سراج خان رئیسانی کے لئے ان کی رہائش گاہ ساراوان ہاؤس میں دعوتِ اسلامی کی مجلسِ رابطہ بلوچستان کے تحت فاتحہ خوانی اور ایصالِ ثواب کا سلسلہ ہوا، ذمہ داران اسلامی بھائیوں نے مرحوم کے بھائی سابق سینیٹر نوابزادہ میر لشکری خان رئیسانی اور بیٹے نوابزادہ جمال خان رئیسانی سے ملاقات کرکے تعزیت کی اور سانحۂ مستونگ کے مرحومین کے لئے دعائے مغفرت کی۔ شخصیات کا مدنی قافلوں میں سفر ٭مرکز الاولیاء لاہور سے کشمیر سفر کرنے والے شخصیات کے مدنی قافلے میں وزیراعظم کشمیر کے پروٹوکول آفیسر خواجہ محمد عارف میر، اسپیشل سیکرٹری ٹو پی ایم، ایڈیشنل سیکرٹری، ہوم سیکرٹری، اے آئی جی ریٹائرڈ ملک محمود کی آمد ہوئی، جہاں فرض علوم کے مدنی حلقے میں شرکت کی سعادت پائی۔ ٭مجلس فیضانِ مرشد کے تحت 15،14،13 جولائی 2018ء کو شخصیات نے مدنی قافلے میں سفر کیا جس میں رکن شورٰی حاجی وقار المدینہ عطاری نے بھی وقت عطا فرمایا۔ علاوہ ازیں رکنِ شوریٰ کا محمدی کابینات میں اعلیٰ سطح کی شخصیات سے ملاقاتوں، جامعۃ المدینہ کوٹلی اورجامعۃ المدینہ نکیال کشمیر میں حاضری کا جدول رہا۔

مدنی کورسز٭21شوا ل المکرّم 1439ھ سے زَم زَم نگر حیدرآباد، مدینۃ الاولیاء ملتان، سردارآباد فیصل آباد، گلزارِ طیبہ سرگودھا اور گجرات میں قائم اسلامی بہنوں کی مدنی تربیت گاہوں میں 12 دن کے”اصلاح اعمال کورس“ کا آغاز ہوا جس میں شریک اسلامی بہنوں کو بالخصوص مدنی انعامات کی عملی مشق کروائی گئی۔ ٭اِسی دن باب المدینہ کراچی میں 12 دن کا ”خصوصی اسلامی بہن کورس“ شروع ہوا جس میں خصوصی(یعنی گونگی ،بہری اور نابینا) اسلامی بہنوں میں مدنی کام کرنےکے طریقے سکھائے گئے۔ان مدنی کورسز میں 226 اسلامی بہنوں نے شرکت کی سعادت پائی۔ مجلس تجہیزِ تکفین کے مدنی کام اسلامی بہنوں کوغسلِ میت کا طریقہ کار سکھانے کے لئے گزشتہ دنوں کئی تربیتی اجتماعات کا انعقاد کیا گیا جن میں 1552 اسلامی بہنوں نے شرکت کی ٭371 مقامات پر اجتماعات ذکرو نعت برائے ایصالِ ثواب کی ترکیب بنی ٭455 کُتُب اور 9057 رسائل تقسیم کئے گئے ٭1583اسلامی بہنوں نے ہفتہ وار سنتوں بھرے اجتماعات میں شرکت کی جبکہ ٭978 اسلامی بہنوں نے مدرستہ المدینہ برائے بالغات میں داخلہ لیا۔