میٹھے میٹھے اسلامی  بھائیو!دیکھا آ پ نے!دَورانِ اِعْتکاف کس قدر نیکیاں کرنے کے مَواقع ملتے ہیں۔ہمیں بھی ہر سال نہ سہی کم اَزْکم زندَگی میں ایک بار اِس اَدائے مصطَفٰےکو اَدا کرتے ہوئے پُورے ماہِ رَمَضانُ الْمُبارَک کا اِعْتِکاف کرہی لینا چاہئےاوردوسروں کو بھی اس کی ترغیب دِلانی چاہیے۔ اِنْ شَآءَاللہعَزَّ وَجَلَّ  اِس سال بھی دعوتِ اسلامی کے تحت دنیا بھر میں پورے ماہِ رمضان اور آخری عشرے کے سُنّت اعتکاف کی ترکیب ہو گی،دُنیائے دعوتِ اسلامی میں سب سے بڑا اعتکاف عالمی مدنی مرکز فیضانِ مدینہ بابُ المدینہ(کراچی) میں ہوتا ہے،جس میں اس سال بھیاِنْ شَآءَاللہ عَزَّ وَجَلَّ شیخِ طریقت ،امیرِاہلسُنَّت دَامَتْ بَـرَکاتُہُمُ الْعَالِیَہ بھی معتکف ہوں گے،اَلْحَمْدُلِلّٰہ اعتکاف میں وضو و غسل، نماز و  روزہ اور دیگر شرعی مسائل کے ساتھ ساتھ روزانہ 2 مدنی مذاکروں کے ذریعے شیخِ طریقت، امیرِاہلسُنَّت دَامَتْ بَـرَکاتُہُمُ الْعَالِیَہ سے کیے گئے سُوالات کے دِلچسپ جوابات سے معلومات کا ڈھیروں خزانہ ہاتھ آتا ہے ۔ امیرِاہلسُنَّت دَامَتْ بَـرَکاتُہُمُ الْعَالِیَہ کی مُبارک صحبت ملتی ہے،عالمی مدنی مرکزفیضانِ مدینہ باب المدینہ کراچی میں ہونے والے  پورے ماہِ رمضان کے اِعتکاف کی تیاریوں کو مزید تیز کردِیجئے۔

عالمی مدنی مرکزکے علاوہ دیگر  کئی اورشہروں میں بھی پورے ماہِ رمضان کا اعتکاف ہوگا،تمام عاشقانِ رمضان اپنے شہر کے متعلقہ ذمہ داران سے اس کی معلومات حاصل کرکے ابھی سے تیاری شروع کر دیجئے۔

رحمتِ حق سے دامن تم آکر بھرو      مَدَنی ماحول میں کر لو تم اعتکاف

                سنتیں سیکھنے کے لیے آؤ تم                   مَدَنی ماحول میں کر لو تم اعتکاف

تم سُدھر جاؤ گے پاؤ گے برکتیں       مَدَنی ماحول میں کر لو تم اعتکاف

فضلِ ربّ سے ہدایت بھی مل جائے گی       مَدَنی ماحول میں کر لو تم اعتکاف

نیکیوں کا تمہیں خوب جذبہ مِلے         مَدَنی ماحول میں کر لو تم اعتکاف

ربّ کی رحمت سے جنّت میں پاؤ گے گھر               مَدَنی ماحول میں کر لو تم اعتکاف