ڈاکوؤں کے قریب پہنچے، دیکھا؛ اِن کے دونوں سردار مردہ  پڑے ہیں اور اِن کے پاس غوثِ پاک  رحمۃُ  اللہ  علیہ  کی یہ مُبارک کھڑائیں رکھی ہیں۔ بَس ہم نے کھڑائیں اُٹھائیں، اپنا مال لیا اور غوثِ پاک  رحمۃُ  اللہ  علیہ  کی خِدْمت میں نذرانہ پیش کرنے حاضِر ہو گئے۔^([1])

اَسِیْروں کے مُشْکِل کُشا غوثِ اعظم!                               فقیروں کے حاجَت رَوا غوثِ اعظم!

گِھرا ہے بلاؤں میں بندہ تمہارا                                                                   مدد کے لیے  آؤ یاغوثِ اعظم!

ترے ہاتھ میں ہاتھ مَیں نے دیا ہے                                            ترے ہاتھ ہے لاج یاغوثِ اعظم!^([2])

سُبْحٰنَ  اللہ ! یہ بھی  اللہ  والوں کے اختیارات ہیں،  اللہ  پاک انہیں یہ طاقت بخش دیتا ہے کہ یہ ایک جگہ رہ کر کوسوں دُور اپنے غُلاموں کی پُکار سُن بھی لیتے ہیں، ان کی مدد بھی فرما دیتے ہیں۔

خُدا نے ولیوں کو مددگار بنایا ہے

پیارے اسلامی بھائیو!  مدد کے لیے   اللہ  والوں کو پُکارنا اور ان کا مدد فرمانا قرآنِ کریم سے ثابِت ہے۔  اللہ  پاک فرماتا ہے:

اِنَّمَا وَلِیُّكُمُ اللّٰهُ وَ رَسُوْلُهٗ وَ الَّذِیْنَ اٰمَنُوا الَّذِیْنَ یُقِیْمُوْنَ الصَّلٰوةَ وَ یُؤْتُوْنَ الزَّكٰوةَ وَ هُمْ رٰكِعُوْنَ(۵۵)

(پارہ:6، سورۂ مائدہ:55)

تَرْجمۂ کَنْزُالعِرْفان : تمہارے دوست صرف  اللہ  اور اس کا رسول اور ایمان والے ہیں، جو نماز قائم کرتے ہیں اور زکوٰۃ دیتے ہیں اور  اللہ  کے حضور جھکے ہوئے ہیں۔

یعنی  اللہ  پاک بھی تمہارا مددگار ہے، رسولُ  اللہ   صَلَّی  اللہ  عَلَیْہِ وَ آلِہٖ وَسَلَّم  بھی تمہارے