ہے*کئی دِلوں کی اِصْلاح ہوئی ہے۔آپ بھی مدنی مذاکرے میں شرکت کیا کیجیے! اِنْ شَآءَ  اللہ  الْکَرِیْم! *عِلْمِ دِین حاصِل ہوگا *محبّتِ اِلٰہی ملے گی *عشقِ رسول میں اِضافہ ہو گا *گُنَاہوں سے نفرت نصیب ہو گی * نیکی کا جذبہ ملے گا اور *اَخْلاق و کردار میں بھی بہتری آئے گی۔

آئیے!مدنی مذاکرے میں شرکت کے فوائد پر مشتمل ایک مدنی بہار سنتے ہیں :

ماڈرن نوجوان کی توبہ

ایک اسلامی بھائی کی تحریر کا خلاصہ ہے کہ دعوتِ اسلامی کے دینی ماحول میں آنے سے پہلے میں گُناہوں بھری زندگی گزار  رہا تھا۔ ایک بار ایک اسلامی بھائی نے دعوتِ اسلامی کے تحت ہونے والے آخری عشرے کے اجتماعی اعتکاف کی بھرپور ترغیب دلائی، چنانچہ  اللہ  پاک کے فضل وکرم سے مجھے اعتکاف کی سعادت ملی، اجتماعی اعتکاف کا پُر کیف ماحول، پُر سوز بیانات، سحرو افطار کے روحانی مناظِر بہت اچھے لگے، کرم بالائے کرم یہ کہ امیرِاہلسنّت  دَامَتْ بَرْکَاتُہم العالیہ  کے علمی ورُوحانی مدنی مذاکروں اور رقت انگیز دعاؤں نے دل سے گناہوں کا میل صاف کردیا۔ میری گناہوں سے تاریک زندگی میں عشقِ مصطفےٰ کی روشنی پھیل گئی۔ میں نے اپنے گناہوں سے سچّی توبہ کی اور امیر اہلسنّت  دَامَتْ بَرْکَاتُہم العالیہ  سے بیعت کا شرف حاصل کیا،  اَلحمدُ لِلّٰہ!  داڑھی شریف سے چہرہ سجا لیا، سر پر عمامہ کا تاج سجایا اورسنّتوں بھری زندگی بسر کرنے کے لیے  دعوتِ اسلامی کا دینی ماحول اختیار کرلیا۔^([1])

مقبول جہاں بھر میں ہو دعوتِ اسلامی                             صدقہ تجھے اے ربِّ غَفَّار! مدینے کا^([2])

صَلُّوْا عَلَی الْحَبیب!                                               صَلَّی  اللہ  عَلٰی مُحَمَّد