Madrasatul Madina Ka Taaruf

ماہنامہ صفر المظفر1442ھ

مدرسۃُ المدینہ جامع مسجد  الرحمٰن (خان پور)

اللہ مجھے حافظِ قراٰن بنا دے                                                                                                    قراٰن کے اَحکام پہ بھی مجھ کو چلا دے

اَلْحَمْدُ لِلّٰہ! حِفظ و ناظرہ قراٰنِ کریم کی تعلیم عام کرنے کے لئے دعوتِ اسلامی نے  ایک شعبہ بنام “ مدرسۃُ المدینہ “ قائم کیاہوا ہے جس کی ایک شاخ “ مدرسۃُ المدینہ جامع مسجد الرحمٰن (خان پور) “ بھی  ہے۔

 “ مدرسۃُ المدینہ جامع مسجد الرحمٰن “ کی تعمیر کا آغاز 1997ءمیں ہوا ، اللہ پاک کی رحمت سے اسی سال تعلیم کا آغاز بھی ہوگیا۔ اس مدرسۃُ المدینہ میں ناظِرہ کی1جبکہ حفظ کی3کلاسز ہیں۔ اب تک (یعنی 2020ء تک) اس مدرسۃُ المدینہ سے کم و بیش400طَلَبہ حفظِ قراٰن سے آراستہ ہو چکے ہیں جبکہ 1000بچّے ناظِرہ قراٰنِ کریم مکمّل کرچکے ہیں۔ اس مدرسۃُ المدینہ سے فارغ التحصیل (Pass) ہونے والے تقریباً300طَلَبہ نے درس ِنظامی (عالم کورس) میں داخلہ لیا  جبکہ  20طلبہ عالمِ دین بَن کر دین کی خدمت میں مصروفِ عمل ہیں۔ اللہ پاک دعوتِ اسلامی کے تمام شعبہ جات بشمول “ مدرسۃُ المدینہ جامع مسجد الرحمٰن “ کو ترقّی و عُروج عطا فرمائے۔

اٰمِیْن بِجَاہِ النَّبِیِّ الْاَمِیْن  صلَّی اللہ علیہ واٰلہٖ وسلَّم

ماہنامہ صفر المظفر1442ھ

مَدَنی ستارے

اَلْحَمْدُ لِلّٰہ! دعوتِ اسلامی کےمدارسُ المدینہ میں بچّوں کی تعلیمی کارکردگی کے ساتھ ساتھ ان کی اَخلاقی تربیت پربھی خاصی توجّہ دی جاتی ہے یہی وجہ ہے کہ مدارسُ المدینہ کے ہونہار بچّے اچّھے اَخلاق سے مُزَیّن ہونے کے ساتھ ساتھ تعلیمی میدان میں بھی غیر معمولی کارنامے سرانجام دیتے رہتے ہیں ، “ مدرسۃُ المدینہ جامع مسجد الرحمٰن (خان پور) “ میں بھی کئی ہونہار مَدَنی ستارے جگمگاتے ہیں ، جن میں سے17 سالہ  محمد فرزند عطّاری بن لیاقت علی کے  تعلیمی و اخلاقی کارنامے ذیل میں ملاحظہ فرمائیے :

 اَلْحَمْدُ لِلّٰہ!8  ماہ میں قراٰنِ کریم    حفظ کرنے   کی سعادت پائی۔ فرض نمازکی ادائیگی کے ساتھ ساتھ نوافل مثلاً تہَجُّد ، اِشراق وچاشت وغیرہ کی پابندی  بھی  کر رہے  ہیں ،  ان کے شوقِ علمِ دین  کا اندازہ اس بات سے لگایا جاسکتا ہے کہ 41سے زائد کُتب و رَسائل کا مطالعہ کر چکے ہیں ،  6ماہ سے مدنی مذاکر ےسُن رہے ہیں ، صرف یہی نہیں بلکہ علم کی روشنی دوسروں تک پہنچانے کے لئے 1سال سے گھر میں دَرْس دے رہے ہیں ، تقریباً6 ماہ سے صَدائے مدینہ لگا   (یعنی فجر میں مسلمانوں کو جگا) رہے ہیں۔ مزید اس شوق کو چار چاند لگانے کے لئے دَرْسِ نظامی (عالم کورس) میں داخلہ بھی لے لیا ہے۔ اللہ پاک نظرِ بد سے بچائے اور نیک مقاصِد میں کامیابی عطا فرمائے۔ اٰمِیْن بِجَاہِ النَّبِیِّ الْاَمِیْن  صلَّی اللہ علیہ واٰلہٖ وسلَّم