قُلْ بِفَضْلِ اللّٰهِ وَ بِرَحْمَتِهٖ فَبِذٰلِكَ فَلْیَفْرَحُوْاؕ-هُوَ خَیْرٌ مِّمَّا یَجْمَعُوْنَ(۵۸)  (پ11، یونس:58)    

ترجَموڪنزُالعرفان: اوهان فرمايو اللہ جي فَضْل ۽ ان جي رَحمت تي ئي خوشي ملهائڻ گهرجي، هي ان کان بهتر آهي جيڪو اهي جمع ڪن ٿا.

      مُفسّرِ قرآن مُفْتي اَحْمديارخان نعيمي رَحْمَةُ الـلّٰـهِ عَلَيْه هن آيت مبارڪه جي تحت فرمائن ٿا: اي مَحْبُوب! ماڻهن کي هي خوشخبري ڏئي اهو حڪم به ڏيو ته اللہ جي فَضْل ۽ ان جي رَحْمَت ملڻ تي خُوب خُوشيون ملهايو۔ عُمُومي خوشي ته هر وقت ملهايو ۽ خصوصي خوشي ان تاريخن ۾ جِن ۾ هي نِعْمَت آئي يعني رَمَضَان ۾، خُصُوصاً شَبِ قَدر ۽ رَبِيعُ الْاَوَّل ۾ خُصُوصاً ٻارهين تاريخ ۾ ڇو ته رَمَضَان ۾ اللہ جو فَضْل ”قُرآن“ آيو ۽ رَبِيعُ الْاَوَّل ۾ رَحْمةٌ لِّلْعَالَمِيْن، يعني محمدِ مصطفٰي صَلَّى الـلّٰـهُ عَلَيْهِ وَاٰلِهٖ وَسَلَّم پيدا ٿيا. هي فَضْل ۽ رَحْمَت يا اُن جي خُوشي مَلهائڻ توهان جي دُنياوي جَمْع ڪيل مال ومَتَاع، رُوپئي، گھر، جائيداد، جانور، فصل، بلڪه اَوْلاد وغيرہ سڀ کان بهتر آهي ڇو ته ان خوشيءَ ۾ نَفْعو شخصي نه پر قومي آهي۔ وَقتي نه پر دائمي (هميشه وارو) آهي۔ صرف دُنيا ۾ نه پر دِين ۽ دُنيا ٻنهي ۾ آهي. جِسْماني نه بلڪه دِلي ۽ روحاني آهي. برباد نه بلڪه انهيءَ تي ثَواب آهي۔ (تفسيرِ نعيني ،پ۱۱،يونس، تحت الآیۃ: ۵۸، ۱۱/۳۷۷)

پيارا اسلامي ڀائرو! قرآنِ پاڪ ۾ ٻين به ڪيترن ئي مقامات تي اللہ پاڪ پنهنجي نبي، مڪي مدَني، صَلَّى الـلّٰـهُ عَلَيْهِ وَاٰلِهٖ وَسَلَّم جي آمد جو اعلان فرمايو آهي۔ اچو اهڙي طرح جون ڪجھ آيتون ٻڌون ٿا، جيئن ته سيپارو 6 سُوْرَہ مَائِدَہ جي آيت نمبر15 ۾ اِرشادِ رباني آهي:

قَدْ جَآءَكُمْ مِّنَ اللّٰهِ نُوْرٌ وَّ كِتٰبٌ مُّبِیْنٌۙ(۱۵)

ترجَموڪنزُالعرفان: بيشڪ توهان وٽ الله جي طرفان هڪ نور اچي ويو ۽ روشن ڪتاب.

  (پ۶،المائدۃ: ۱۵)