Aaj Ki Raat Ziyaon Ki Hy Baraat Ki Raat

حمدو نعت

ماہنامہ فروری2022

نعت

آج کی رات ضِیاؤں کی ہے بارات کی رات

فضلِ نوشاہِ دوعالَم کے بیانات کی رات

شبِ مِعراج وہ اَوْحٰی کے اشارات کی رات

کون سمجھائے وہ کیسی تھی مُناجات کی رات

چھائی رہتی ہیں خیالوں میں تمہاری زُلفیں

کوئی موسم ہو یہاں رہتی ہے برسات کی رات

رُخِ تابانِ نبی زُلفِ مُعَنْبَر پہ فِدا

روز تابندہ یہ مستی بھری برسات کی رات

دل کا ہر داغ چمکتا ہے قَمر کی صورت

کتنی روشن ہے رخِ شَہ کے خیالات کی رات

ہر شبِ ہِجْر لگی رہتی ہے اَشکوں کی جھڑی

کوئی موسِم ہو یہاں رہتی ہے برسات کی رات

بلبلِ باغِ مدینہ کو سنا دے اخترؔ

آج کی شب ہے فرشتوں سے مُباہات کی رات

از : تاجُ الشریعہ مفتی اختر رضا خان  رحمۃُ اللہِ علیہ

سفینۂ بخشش ، ص21

مشکل الفاظ کے معانی : کلیم : مراد حضرت سیّدُنا موسیٰ کَلِیْمُ اللہ  علیہِ الصّلوٰۃُ والسّلام ۔ اَفلاک و اَرض : آسمان اور زمین۔ فرماں پذیر : حکم پر عمل کرنے والے۔ فضلِ نوشاہِ دوعالَم : دونوں عالَم کے دولہا کا فضل و کرم۔ اَوْحٰی : الله پاک کے اس فرمان کی طرف اشارہ ہے : (فَاَوْحٰۤى اِلٰى عَبْدِهٖ مَاۤ اَوْحٰىؕ(۱۰)) ترجمۂ کنزُالایمان : اب وحی فرمائی اپنے بندے کو جو وحی فرمائی۔ (پ27 ، النجم : 10)۔  (اس آیت کی مزید وضاحت کے لئے یہاں کلک کریں)  رُخِ تابانِ نبی : نبیِّ کریم  صلَّی اللہ علیہ واٰلہٖ وسلَّم  کا روشن چہرہ۔ زُلفِ مُعَنْبَر : رسولِ کریم  صلَّی اللہ علیہ واٰلہٖ وسلَّم  کے خوشبودار بال مبارک۔ قمر : چاند۔ مُباہات : فخر کرنا۔