Behtari Jis Pey Kare Fakhr Woh Behtar Siddiq

حمد و نعت

ماہنامہ جنوری2022

منقبت

بہتری جس پہ کرے فَخْر وہ بہتر صدّیق

سَرْوَرِی جس پہ کرے ناز وہ سرور صدّیق

سارے اصحابِ نبی تارے ہیں امّت کے لئے

ان ستاروں میں بنے مَہْرِ مُنَوّر صدّیق

ان کے مدّاح نبی ان کا ثنا گَو اللہ

حَقْ اَبُوالْفَضْل کہے اور پیغمبر صدّیق

بال بچوں کے لئے گھر میں خدا کو چھوڑیں

مصطفےٰ  پر کریں گھر بار نچھاور صدّیق

ایک گھر بار تو کیا غار میں جاں بھی دیدیں

سانپ ڈستا رہے لیکن نہ ہوں مُضْطَرْ صدّیق

کہیں گِرتوں کو سنبھالیں کہیں رُوٹھوں کو منائیں

کھودیں اِلْحاد کی جَڑْ بعدِ پیغمبر  صدّیق

تو ہے آزاد سَقَرسے ترے بندے آزاد

ہے یہ سالکؔ بھی ترا بندۂ بے زَرْ صدّیق

ازمفتی احمد یار خان نعیمی  رحمۃُ اللہِ علیہ

دیوانِ سالک ، ص41

مشکل الفاظ کے معانی : اَسْفَل : ادنیٰ ، پست۔ بَزْم : محفل۔ اِکّا : شمع دان۔ خِیْرَہ : حیران ، پریشان۔ دَشت : صَحرا۔ خوبرویوں : خوبرو کی جمع ، حسینوں۔ مَہْرِ مُنَوّر : روشن سورج۔ حَقْ : مراد اللہ پاک کی ذات۔ ا َبُوالْفَضْل : فضیلت والا۔ اس آیت کی طرف اشار ہ ہے : (وَ لَا یَاْتَلِ اُولُوا الْفَضْلِ مِنْكُمْ وَ السَّعَةِ ) ترجَمۂ کنزُالایمان : اورقسم نہ کھائیں وہ جو تم میں فضیلت والے  اور گنجائش والے ہیں۔ (پ18 ، النور : 22)  (اس آیت کی مزید وضاحت کے لئے یہاں کلک کریں)  مُضْطرْ : بے چین ، پریشان۔ اِلْحاد : بے دینی ، اسلام سے پھرجانا۔ سَقَر : دوزخ۔