Dawateislami Ke Madani Rasail Ki Dhom Dham

مدنی رسائل کے مطالعہ کی دُھوم

ماہنامہ فیضانِ مدینہ اکتوبر 2021

شیخ ِ طریقت ، امیرِ اہلِ سنّت حضرت علّامہ محمد الیاس عطّاؔر قادری دامت بَرَکَاتُہمُ العالیہ نے ذُوالحجۃِ الحرام1442ھ میں درج ذیل مَدَنی رسائل پڑھنے / سننے کی ترغیب دلائی اور  پڑھنے / سننے والوں کو دُعاؤں سے نوازا :

(1)یاربَّ المصطفےٰ! جو کوئی17صفحات کا رِسالہ “ جانوروں کے بارے میں دلچسپ سُوال جواب “ پڑھ یا سُن لے اُسے انسانوں اور جانوروں پر رحم کرنے والا دل عطا فرما اور اُسے بے حساب بخش دے ، اٰمِیْن۔

(2)یااللہ پاک! جو کوئی 17صفحات کا رِسالہ “ 60حج کرنے والا حاجی “ پڑھ یا سُن لے اُسے ہر سال مقبول حج نصیب فرما اور اُسے سبز سبز گُنبد کے سائے میں شہادت اور جنّتُ البقیع میں خیر سے مَدفَن نصیب فرما ، اٰمِیْن۔

(3)یاربَّ المصطَفٰے! جو کوئی17صفحات کا رِسالہ “ حضرتِ عُثمان بھی جنّتی جنّتی “ پڑھ یا سُن لے اُسے اپنے پیارے پیارے آخری نبی  صلَّی اللہ علیہ واٰلہٖ وسلَّم کے پیارے صحابی حضرتِ عُثمانِ غنی  رضی اللہُ عنہ  کی سخاوت و حیا سے حصّہ نصیب فرما اور اُسے جنّتُ الفِردوس میں بِلا حساب داخِل کر ، اٰمِیْن۔

(4)جانشینِ امیرِ اہلِ سنّت حضرت مولانا عبیدرضا عطاری مدنی  دامت بَرَکَاتُہمُ العالیہ  نے رِسالہ “ امیرِ اَہلِ سنّت کا پہلا سفرِ مدینہ “ پڑھنے / سننے والوں کو یہ دُعا دی : یاربَّ المصطَفٰے! جو کوئی 21 صفحات کا رِسالہ “ امیرِ اہلِ سنّت کا پہلا سفرِ مدینہ “ پڑھ یا سُن لے اُسے بار بار حج و زیارتِ مدینہ نصیب فرما اور اُس کو بے حساب بخش دے ، اٰمِیْن۔